wo ake larki (by vb)

ye jo nazm-numa sa kuchh likh rahay hen hum, jee chaahta hay k likhtay he chalay jaain..... but qalam ko roktay hen....



Udaas lay men, suhaag naghmay, ko gaa rahi thi, wo ake larki
Hamaray bister, say jub kitaaben, utha rahi thi, wo ake larki

Jo hum ne phenkay, adhuray naghmay, adhuray geet or, adhuray sapnay
Hamaray kamray, ki tokri say, utha rahi thi, wo ake larki

Wo parchiyan, jin pay sher likh kar, hum apnay table, pay bhool jaatay
Bayaaz-e-ulfat, ki diary main, saja rahi thi, wo ake larki

Kabhi jo baaton, main baat aai, mohabbaton ki, rafaaqaton ki
Tu dil ki baton, ko saadgi say, chhupa rahi thi, wo ake larki

Hamara sheva, tha us say larna, par us ki aadat, khamoshe rehna
Gai ruton kay, fareb phir say, jaga rahi thi, wo ake larki

Usay yaqeen tha, k jaan len gay, hum us k dil ki, tamaam baaten
Hamen gumaan tha, k hum say nazren, chura rahi thi, wo ake larki

Khmoshe jeevan, ko ji rahi thi, wo dil ki baaten, chhupa k dil main
Hamen hamaari, nazar main kitna, gira rahi thi, wo ake larki

Bawaqt-e-hijraan, wo kap-kapaatay, huvay labon say, salam kehna
Bujha huva tha, hamara dil, muskuraa rahi thi, wo ake larki

*--------------------------------*

 

 

shukriya aap sub asehaab ka...

thanx....

sidra04 jee!

bakol hamaray dost Rao sahab "Taareef main interesting baat ye hay k agar banday ko pata bhe ho na k jhooti hay, tu bhe achhi acchi si lagti hay..."

:]

Usay naseebon ne chuna ya us ne naseebon ko... dono soorat main....durust kaha aap ne "khush-naseeb" hoge...

khair....
shukriya aap ka, k aap ne visit kiya and taareefi kalemaat chhoray.... aap k liyay rau haazir hay... :p