zindagi ek safar

Seedhe raston par chalne me kya hai mithaas.
Sirf sochte chalo ki milega kuch khas.
Na manzil hogi na humsafar
Bas hoga apna hi man udaas.
Seedhe raston me kya mithaas.

Un raho par to sab chale jo lage asaan.
Jin rahon par lage ki na hoga nuksan.
Un raho ko chhod kar jo bnaye apni ek nayi raha
Vo hi dhund paye jeevan mein chhupe raaz.

Sukh ki na karo itna mang ki sukh sukh na lage
Us sukh ka bhi kya fayda jo kisi se baat bhi na sake.
Agar kabhi karna pade samna dukh ka jeevan me apne
Na ye sochna ki kahin tut na jae mere sapne.
Dukh de man ko shakti itni
Ki har khushi lage tumhe dugni.

Samajh pana is sansar ko nhi itna aasan.
Brahm se bhare is sansar ne
Na jane lie hai kitne balidan.
In brahm se mukt vahi ho paya hai
Jo khud ko samajh paya hai.