Aao Diwali manaye Hum........(Ghayel):Occassion Specific Poetry

sajid_ghayel

Guest

Aao diwali manaye hum
Khushiyo ka mauka hain khushiya manaye hum

Kabhi dharm kabhi jati kabhi bhasha ke nam par lade hum
Phir bhi kehte ho diwali hain aao hath milaye hum

Aao diwali manaye hum......

Jala ke auro ke gharo ko is diwali me
Kis muh se apne gharo ko sajaye hum

Aao diwali manaye hum........

Is diwali soya kisan ka ghar ek sath kha ke zehar
Hame isse kya aao bachcho ko apne mithaee khilaye hum

Aao diwali manaye hum......

Koi marathi koi punjabi koi tamil to koi bengali
Aao nikle is diwali ek hindustani dhoond laye hum

Aao diwali manaye hum.........

Mara gaya kal mumbai me ek maa ka lal nam jiska rahul tha
Chodo yaro us ajnabi ki maut pe q matam banaye hum

Aao diwali manaye hum..........

So raha hain desh mera ghayel aaj odhe hue kafan
Aao yaro deepak nahi uski cheeta jalaye hum

Aao diwali manaye hum
khushiyo ka mauka hain khushiya manaye hum

-Sajid Ghayel-


	Logged

Similar Poetry and Posts (Note: Find replies to above post after the related posts and poetry)
	Happy Diwali by prempagla in Chit - Chat & General Discussion
	Diwali Sms by prempagla in SMS , mobile & JOKES
	diwali sms by mili_genie in SMS , mobile & JOKES
	~ Holi Manaye Pani Bachaye... ~ by pankshivam in The Wishes and Celebrations
	Matam manaye sanam.......( Ghayel ) by Sajid_Ghayel in Shayri-E-Dard

abdbundeli

Guest

Re: Aao Diwali manaye Hum........(Ghayel)

«Reply #1 on: October 28, 2008, 10:19:59 AM »

Quote from: sajid_ghayel on October 28, 2008, 08:08:29 AM

Aao diwali manaye hum
Khushiyo ka mauka hain khushiya manaye hum

Kabhi dharm kabhi jati kabhi bhasha ke nam par lade hum
Phir bhi kehte ho diwali hain aao hath milaye hum

Mara gaya kal mumbai me ek maa ka lal nam jiska rahul tha
Chodo yaro us ajnabi ki maut pe q matam banaye hum

Aao diwali manaye hum..........

So raha hain desh mera ghayel aaj odhe hue kafan
Aao yaro deepak nahi uski cheeta jalaye hum

Aao diwali manaye hum
khushiyo ka mauka hain khushiya manaye hum

-Sajid Ghayel-

Dil ko jhakjhor deyney waalee baat kahee hai aapney!
"So raha hain desh mera ghayel aaj odhe hue kafan
Aao yaro deepak nahi uski cheeta jalaye hum"
Dost, 'ghayel desh' ko pyaar key maraaham sey tandurust karney ki zaroorat hai! Yeh 'paawan bhoomi', hamaaree hi naheen, arboun ki maataa hai, us kee 'chitaa' jalaaney ki baat karnaa 'gunaah' hai! Aap khaasey ilm bardaar insaan hain: aur Hindustaani hain, bhaley hi yahaan na rahtey houn! Eik zamaaney mein yah desh 'Aaryawart' kahlaataa thaa, jis mein aaj key Irak sey Vietnaam, Afgaanistaan sey Indonasia wa Sri Lanka sey Uzbeykistaan tak key tamaam ilaakey shaamil they! Yeh sabhi isee 'Jannee Janmbhoomi' ki santaan hain! Us ki Chitaa na koyee banaa saktaa hai; na koyee jalaa saktaa hai! Maayuusee key gussey mein bhi aisaa izhaar naheen honaa chaahiye,Janaab! Mua'afee chaahtaa hoon! Mehrabaanee kar key in laainoun ko khud hi hataa deyngey to sabhi Hindustaaniyoun ko achchhaa lageygaa!
- Ram Prakash Garg 'abd bundeli


	Logged

honeyrose

Guest

Re: Aao Diwali manaye Hum........(Ghayel)

«Reply #2 on: October 28, 2008, 11:53:35 AM »

Nice bohat khoob Sajid ji..
Bohat khoob Abd ji..


	Logged

sajid_ghayel

Guest

Re: Aao Diwali manaye Hum........(Ghayel)

«Reply #3 on: October 28, 2008, 12:35:45 PM »

Quote from: abdbundeli on October 28, 2008, 10:19:59 AM

Abd jee main aap ke ek ek lafz se sehmat hu aur khud pe sharminda bhi hu, par aaj jo mere is pyare se desh me ho raha hain woh itna bhayanak hain ke iska tasav_vur bhi karna namumkeen hain. har din mere is desh ke seene pe ek naye ghav lag rahe hain aur hum hain ke aakhe bandh kiye hue wahi kagzi baat kiye ja rahe hain ke desh ek hain deshme ekta bani hui hain jab sach_chaiee kuch aur hi hain. Mai ek mamuli sa beta hu is dharti ka meri kya majal ke main is desh ki cheeta jalaoo bas apni is kavita ke zariye thoda jagana chahta hu apne in andhe goonge aur behre deshwasiyo ko aur main khud bhi shamil hu un andhe behro aur goongo me. Aaj kisi bhi rajya ko utha ke dekhlo aap kisi na kisi baat ko lekar logh ek dusre ka khoon baha rahe hain aur phir bhi kitni saralta se kehte hain hum sab ek hain. Yeh dhong kab tak karege hum kab tak, aakhir kab hum ek jut hoker is sach_chaiee ko accept karege ke kuch na kuch galet zaroor hain. Aaj meri desh ki cheetah ko jalane wali baat bohat sharmnak hain muje jo saza mile muje kabool hain par abd jee woh din door nahi jab yeh desh hi nahi rahega iske jism ke hazaro tukde ho jayege tab shayed hum iski cheetah bhi na jala paye. We are heading towards disaster, ho sake to muje meri is kavita ke liye maf kar dena. Ek kavi ek shayer hone ke nate apne dil ki badhaas nikali hain achchi ya buri shayed meri nasamji muje iska ehsas hone na de.


	Logged

abdbundeli

Guest

Re: Aao Diwali manaye Hum........(Ghayel)

«Reply #4 on: October 28, 2008, 01:19:17 PM »

Sajid Ghayel ji,
Aap kaa gam-o-gussaa galt naheen hai! Mein eik Hindustaani hoon, aur har Hindustaani meyraa azeez hai! Mein to Duniyaabee Bhaayeechaarey ki ummeed rakhtaa hoon! Aap key khyaalaat qaabil-e-ta'areef hain; par, deykho dost, Shaayar ki jubaan sey US ki aawaaz aatee hai! Shaayaroun ko, jisey woh dil-o-jaan sey PYAAR kartey hain, us key liye 'optimistic' alfaaz kaa isteymaal hi karnaa chaahiye! Aap deykh leynaa, is desh kaa BHAWISHHYA umdah hai! We are passing through a TRANSITIONAL PHASE, that's bound to end soon! Don't despair! Every thing will be alright! We are proceeding towards a bright future! Let's have faith in our ability! We're destined to be proud of ourselves!
Happy Deepaawali To You, Your Family, All Your Loving Ones and all our countrymen-women!
- Ram Prakash Garg 'abd bundeli'


	Logged

syednaami

Guest

Re: Aao Diwali manaye Hum........(Ghayel)

«Reply #5 on: October 28, 2008, 04:13:17 PM »

Aap durust farmaate hain Ram Prakash sahib. Hum aap se sahmit hain. Aashavaadi rah kar hi nirasha ko bhagaya ja sakta hai.
Khair kahne ko to bahut kuchh hai, par avsar hai Kuchh halla gulla karo yaaro.
Chalo isi bahaane kam se kam Ek dusre ko badhaiyan dene ka yaad karne ka mauqa to milta hi hai na.
Cheer up!


	Logged

Pooja

Guest

Re: Aao Diwali manaye Hum........(Ghayel)

«Reply #6 on: October 28, 2008, 04:25:20 PM »

Good creation SG ji
Good thoughts Abd ji and SG JI!!

Happy Diwali!!


	Logged

abdbundeli

Guest

Re: Aao Diwali manaye Hum........(Ghayel)

«Reply #7 on: October 28, 2008, 05:24:31 PM »

syednaami ji/Pooja ji!
Kotishah Dhanyawaad! Happy Deepaawali!
Ram Prakash Garg 'abd bundeli'


	Logged

Pages: [1]

Yoindia ShayariAdab > Shayri ( Poetry ) or Shayari > Occassion Specific Poetry > Topic: Aao Diwali manaye Hum........(Ghayel)