Alvida Mah-e-December

Alwida aye December
Alwida!

jaa rahe ho tum
shukriyaa tumhara

Aye Maah-e-December
Alwida!

Bheega bheega yeh maah-e-December
Yadon ki meri, is main hai ab Qabar

Jin se dil main ek chain bhi hai
ik dukh bhi hai aur ik khalish bhi hai

magar aye December!
tera hai ab mujh par karam
aur meri taraf say tumhain ab
Alwida!
Aye Maah-e-December
Alwida!

parda uth gaya haqeeqat ka kuch ese is December main
dilon ki baat yoon hi to nahin aa gai labon main
Hont to dil se juda the so kanpe nahi kisi ke bhi
nafrat ka behr-e-baykaraan dekh liya laikin main ne dilon main

is nazaare ka shukriya, Alwida!
Aye Maah-e-December
Alwida!

tera mujh par ye ehsaan hai
tu nay dikhlaa diye mujh ko
sitaron ke wo jalte nasheman
k door se dekhne wali aankhain bhi
ab pehchaan gain qurbat-e-kawaakib bhi
chaand kaa daagh hai ab acha lagne laga
husn-e-Qamar main izaafa yoon hone laga
jo saaf nazar aataa hai, wo hi bas haseen hai
Ab daagh-e-Mehtaab yaqeenan chaand se bhi haseen hai

to aye mere dost!
Aye Maah-e-December
Alwida!


Log kehte hain tu tanhaiyon ki yaad dilata hai
Log kehte hain tu ghamon ko sang apne lata hai
Log ye bhi kehte hain k tujh main beqarari hai
agar esa hai meri jaan!, to tu sub maheenon par bhari hai

laikin!

log to kehte hi hain aur kehte hi rahain ge
main janta hoon ke mere liye ab tu kya hai
Door tanhaiyon ko karne wala mera maseeha hai
ghamon ki wujooh kya hai, ye tu ne hi batlaya
ghamon main pinhaan beqarari ko chain tu ne diya hai

is nawaazish par tum par main hoon ab fida
Aye Maah-e-December
Alwida!

main khush hoon ke tu ne saabit ghalat mujh ko kiya
mere ghamon aur tanhaiyon ko naabood tu ne kiya
Bataa diya mujh ko k raaz-e-hast-O-bood kya hai
k Be-dilon k haath main ye dil ik khilona hai

Tu ne bacha liyaa mujh ko us dil-e-be-dil se
Na yaqeen tha mujh ko k nafrat hai jis ko mujh se
Mera bolna jis ko door le gaya hai mujh se
jis nay padh liya dil ko mere faqat ik hurf-e-naa samajh se
Shiddat-e-gham aur badh jaata jo ye sub na hota
Thoda hairaan hi rehta main gar wo sab na hota
Dil ki munafiqat honton par aa gai jab
Mujhe ALLAH ki ye baat yaad aa gai tab:
Allah nikal laataa hai burai main se achaii ko
Quran kaafi hay iss baat ki gawahi ko
Waqt le le ga hisaab mera ab sab se

To Mere Saath Rehne Par Tumhara Shukriya
Aye Maah-e-December
Alwida!

ye sal bhi udas raha roth ker gaya
tujh se mile bagher december guzar gaya

umer-e-rawan khizan ki hawa se bhi tez thi
her lamha berg-e-zerd ki sorat bikher gaya

dil main chatakhte chatakhte wehmon ki bojh se
wo khof tha k rat ko sote main dar gaya

jo bat moatabar thi wo sir se guzar gai !
jo hurf sirseri tha wo dil main utar gaya

hum aks-e-khon-e-dil hi luta-e-phire magar
wo shaks aansu ki dhank main nikhar gaya

mosin yeah rang o roop yeah ronaq baja magar
main zinda kia rahon k mera jee bhar gaya

yeah sal bhi hone ko hai ab rukhsat
ab is ko bhi khushi khushi ker do rukhsat

Zakhm Ko Phool To Sar Sar Ko Saba Kehtay Hain

Janay kya daur hai kya log hain kya kehtay hain

kya qayamat hai k jin k liye ruk ruk k chalay

Ab wohi log hamain aabla-pa kehtay hain

koi batalao k ik umar ka bichara mehboob

Ittefaaqan kaheen mil jaye to kya kehtay hain ?

Ye bhi andaz-e-sukhan hai k jafa ko teri

Gamza-o-ishva-o-andaz-o-adaa kehtay hain

Jab talak door hai tu teri parastish kar lain

Hum jisay chhu na sakain us ko Khuda kahte hain ....

chal nikal december