Firaaq-e-yaar me kyaa "Eid" ki khushi hogi :Occassion Specific Poetry

Ghulam Haider

Guest

--------------------------------------------------------------------------------

Firaaq-e-yaar me kyaa Eid ki khushi hogi.
Hamare dil ko har ek shai se be dili hogi.

Sitaare Rounaq-e-bazm-e-falak baneNge zuroor,
Nigaah dhoNdegi ek chaaNd ki kami hogi.

Gale lagaayeNge ahbaab fart-e-ulfat se,
MileNge dost magar phir bhi be kasi hogi.

HaNseNge ham bhi nibhane ko rasm-e-Eid magar,
Hamare haal pe roti hui haNsi hogi.

Khuda kare ke na aaye firaaq-e-yaar me Eid,
Museebat aour bhi dil ke liye badi hogi.

Jo ittefaaq se aayaa nazar wo Eid ka ChaaNd,
Barhe suroor ki Haider wo ek gharhi hogi


	Logged

Similar Poetry and Posts (Note: Find replies to above post after the related posts and poetry)
	"YAAR TU RUSWA HOKE DOOR MAT JA" by k.shael in Shairy-e-Dost (Friendship Poetry)
	~~"Yaar badelte rahte hai"~~ by Sammual in Shayri-E-Dard
	Muhabbat main kyaa-kyaa mukaam aa rahae hain " Jiger Mradabadi" by R.M. Dixit in Ghazals
	Zindagi Ki Har Khushi Meri Yaar Hui "Khwahish" by khwahish in Ghazals
	Geraft - (Sequel to "Bedard", "Anjaan" and "Firaaq" (love crime thriller story) by ASIF in Inspirational Stories and real life Incidences. « 1 2 All »

sajid_ghayel

Guest

Re: Firaaq-e-yaar me kyaa "Eid" ki khushi hogi

«Reply #1 on: October 02, 2008, 08:32:57 AM »

"HAMARE HAAL PE ROTE HUE HASI HOGI" KYA HAIDER SAHEB HUM PARDESIYO KO RULA DIYA AAPKI GHAZAL NE.


	Logged

Talat

Guest

Re: Firaaq-e-yaar me kyaa "Eid" ki khushi hogi

«Reply #2 on: October 02, 2008, 10:24:44 AM »

Quote from: Ghulam Haider on October 01, 2008, 04:19:20 PM

Bohot hi Khoob likha hai aapne Haider Applause

Yunhi is bazm main likhe rahiye.


	Logged

Ghulam Haider

Guest

Re: Firaaq-e-yaar me kyaa "Eid" ki khushi hogi

«Reply #3 on: October 02, 2008, 04:14:03 PM »

Quote from: sajid_ghayel on October 02, 2008, 08:32:57 AM

"HAMARE HAAL PE ROTE HUE HASI HOGI" KYA HAIDER SAHEB HUM PARDESIYO KO RULA DIYA AAPKI GHAZAL NE.

Wo, Jis se door hameN aik pal qaraar nahiN,
Usi ki yaad se ham apna dil lagaaye haiN.
Kya kiya jaaye, Is ke alaavah koi aour charah bhi to nahiN hai.
Insaan jise chahata hai us se apni mohabbat ka izhaar karke khushi mahsoos karta hai, lekin agar wo qareeb na ho to dil kisi soorat sukoon nahin pata, aour majboor hokar mahboob ki yaadoN ka hi sahaara lena parhta hai.
ham pardesi aour kya kar sakte haiN.
"Ghulam Haider"


	Logged

Ghulam Haider

Guest

Re: Firaaq-e-yaar me kyaa "Eid" ki khushi hogi

«Reply #4 on: October 02, 2008, 04:39:20 PM »

Quote from: Celmira on October 02, 2008, 10:24:44 AM

Bohot hi Khoob likha hai aapne Haider Applause

Yunhi is bazm main likhe rahiye.

Hosla afzaai ke liye shukriya.

"Jaane kya baat hai ke ham Haider,
Husn waaloN pe jaan dete haiN"


	Logged

Pages: [1]

Yoindia ShayariAdab > Shayri ( Poetry ) or Shayari > Occassion Specific Poetry > Topic: Firaaq-e-yaar me kyaa "Eid" ki khushi hogi