Jigar key tukrhey parhey, seenchtey hain sarhkoun ko!:Occassion Specific Poetry

abdbundeli

Guest

Bilakhtey maaoun-pitaaoun ko, deykhtaa hoon jab,
Jism key chithrhey sambhaaley naheen jaatey jin sey:
Jigar key tukrhey parhey, seenchtey hain sarhkoun ko,
Lahoo sey, maadar-e-watan keen,shaheedoun ki tarah!

Yeh beygunaah hain wahee, jin ko, un ney qatl kiyaa,
Jin ko, dey kar koyi taaleem, Khudaayaa, wahshee;
Taqaatuly key, khoufnaak, diye hain farmaan!
Un ko bahkaa key, ki, mazhab kaa paak farz yahee,
Tum ko anzaam pai pahunchaa key, raah-e-jannat paa,
Eik lamhey mein Khudaa Paak tak pahunchanaa hai!!

Yeh khaam khyaal, jhonktaa hai unhain Dozakh mein,
Bagair mout key hi, bhog rahey woh Dozakh;
Aur, gaddar kah rahey watan-parast unhain:
Kar rahey chheyd thaaliyoun mein: jin mein khaatey hain!

Khudaa karey, ki, noor-e-toor unhain kar roshan,
Raah-e-inssaniyat pai rahbaree dey, paak karey!

- abd bundeli


	Logged

Similar Poetry and Posts (Note: Find replies to above post after the related posts and poetry)
	..~~khoon e jigar~~.. by HumTum in Shayri-E-Dard « 1 2 3 4 5 »
	Dard-E-Jigar by abdulsamad in Shayari -e- Husn
	-Jigar Ke Paar- by HumTum is back in Shayri for Khumar -e- Ishq « 1 2 All »
	Darde jigar+kidney by Play_with_hearts in SMS , mobile & JOKES

Shikha12

Guest

Re: Jigar key tukrhey parhey, seenchtey hain sarhkoun ko!

«Reply #1 on: September 29, 2008, 02:41:41 PM »

Kya baat hai... !!! Bahut bahut umda!!! Applause

Amazing Creation.. And so true...

Abd ji, Aap ko jitna bhi padh lo, humesha lagta hai bahut kuch aur hai aapke khayaalon ke khazaane mein...

Likhte rahiye aur humein yun hi aapki behatareen nazmon ko padhne ka mauka dete rahiye... notworthy


	Logged

abdbundeli

Guest

Re: Jigar key tukrhey parhey, seenchtey hain sarhkoun ko!

«Reply #2 on: September 29, 2008, 03:18:55 PM »

Shukriyah Mahiya ji!
Aap, in qatl ho rahey beygunaahoun key ahbaab ka gam-o-gussaa, mujh sey kaheen zyaadah tah-e-dilee sey samajh sakteen hain, kyoun ki, har darjey ki khawaateenoun ko, aisee waardaatoun kaa kaheen bahut hi ziyaadah khaamiyaazah bhugatnaa parhtaa hai!
- abd bundeli


	Logged

Pages: [1]

Yoindia ShayariAdab > Shayri ( Poetry ) or Shayari > Occassion Specific Poetry > Topic: Jigar key tukrhey parhey, seenchtey hain sarhkoun ko!