maa -poonam

ye rachhna maine apni maa ke liye likhi hai.sath hi mahila divash ke avsar par aap sabhi ke sath baant rahi hu.


mamta ki pratimurti hoti hai maa,
jo jeevan deti hai.
apne praano ki law se seench kar,
ek nanhi kali ko pushp bna deti hai.
 
bachpan beet ta hai uske aanchal ki chhao me,
komal sapne sakaar hote hai uski bahoo me.

wahi sikhati hai hume jeevan ke aarth,
prem ke sparsh se nitya karti hai hume samarth.

aansh ki sinighad  muskaan par
har dukh kar deti hai visrmit,
sab kuch luta ke bhi aashisho ka khazana
nahi hota hai rikht.

jeevan ke sangarsho ke liye hume hamesha bnati hai tatpar,
par har dukh humare hisse ka bhi jhel leti hai aage badhkar.

me chahti hu unhe btana jo dekh nahi paye maa,
jo mehsoos nahi kar paye uske aanchal ki sheetal chhav,
jinhe kabhi nahi mila maa ka dulaar,
waatshalya ki varsha karne wali maa ka pyar.


me rachhna chahti hu apne shabdo se jeevant maa ka anuttha sansaar,
jaha har nirashit anubhut kare mamta aur pyar.
meri shabdmayi maa maatr shabdo se nahi nirmit hai
wo to premmayi shakti hai adbhut aur praanmayi hai.

kyuki mmeri tulika ne adbhut sansaar rachaya hai,
meri maa ke sneh ne hi mujhe yaha puhachaya hai.

ye shabdchitr meri mamtamayi maa ke prati sehaj samarpan hai,
uske aapoorv tyaag ke prati mera aati laghu aarpan hai.