naya saal 2009

Aao fir se aankh micholii khelen,
aa gaya hai fir se ek naya saal,
kabhi issko dhoondu mein,
kabhi issko tum pakadna,
kabhi yeh dhundega hamen,
zindgi ki issi luka-chippi mei,
yeh bhi nikal jayega hansta-khelta.

yeh shararat kare gar kahin,
baandh denge isse milkar yahi,
aur yeh bhi maafi maangta hua,
pairon mei aa girega tumhare yahi.

chal aa isse bhi thodi khushi de den,
aaya hai badi dur se,chand ne bheja hai,
wada bhi kiya hai issne,chaandni tumhen hi dega,
chaandni ke reshmi se taar honge,
ek reshmi taar mujhe bhi dena,
baandh ke rakhna hai,pichle saal ki yaadon ko.

milen iss se chal aa gaya hai naya saal,
naya saathi hai milke janne isska haal.