UTHHIYE JAAGIYE...... "MohaN":Occassion Specific Poetry

UTHHIYE JAAGIYE...... "MohaN"

by surindarn on August 15, 2017, 05:40:27 AM

Pages: [1]

Author

(Read 540 times)

UTHHIYE JAAGIYE

Uthhiye jaagiye aapkee to azaadi kaa diwas hai aayaa
Dekho to sahee kis khoob se yeh tarangaa hai lehraayaa
Naaraaz to naa hoiye sahib aapko neend se jo jagaayaa
Mubarak! Mubarak! Mubarak! Jee ho Mubarak! Mubarak!

Azaadi kee baat chalee hai kyun naa aap se yeh poochoon
Aap azaadi mehsoos karte bhi ho yaa ke bilkul hee nahin
Zaahir hai aap angerzon hee se aaj tak azaad ho tumh…
Magar hazoor unhkee sabhayataa se to nahin

Mujhe yaqin hai azaadi kaa matlab samajhte hee hoon gey
Kisee ke saath rehte hoon gey, mil kar hee rehte hoon gey
Gar zindagi larhne mein guzartee hai to aap azaad to nahin

Main mazhabon ke jhagrhe lafrhe to aksar dekhtaa hoon
Koi Hindu hai to koi hai Musalman yaa phir woh hai Isai
Kisee ko bhi aaajkal koi Insan to naa dekhtaa hoon...
Janaab aap inh lafron mein hee qaid ho koi azaad to nahin

Jab tak ke tumh khud hee sab qanoon banaate-o-torhte ho
Mujhe yeh yaqin hee rahe gaa ke tumh azaad to nahin

Sunaa hai sachh hee ke paaon hain jhoothh ke nahin
Gar aap sachhe hain to kisee kaa dar nahin azaad hain
Gar jhoothe hain to darte hee rehte hain azaad to nahin

Achhe dayaanat daar naagrik hee azaad hain
Woh desh ke rakhwaale-o-supaasalaar bhi hain
Warnaa apnee apnee aadaton ke hee ghulaam hain
Aur aap koi azaad nahin aur yeh desh bhi azaad to nahin

Sahib tumh khoob hee kaam karo khush raho azaad hee raho
Apne apne khuda kaa kuchh shukr bhi kaate raho to...
Tab hee tumh azaad ho warnaa azaad to nahin

Sahib aakhir mein aap sab ko aapsee mael.joll Mubarak!
Azaadi kaa Divas Mubarak Mubarak aur phir phir se Mubarak!

Surindar. N "MohaN"

Jump to:

Quick Reply

With a Quick-Reply you can use bulletin board code and smileys as you would in a normal post, but much more conveniently.