Abhinandan

Prem ki paridhi se bahar na nikalne payein,
Bhav vibhor hoke prem magan hote jayein,
sehchar ban swayam shrishti ki rachna karein,
anurag hirday mein bhar rom rom pulkit kar dein,
sahaj bhavon ki kari mein bandhan bandh bandh se jayein,
Kaplpana kalpit vriksha ban prasphutit hote jaye,
Aakarshan ke us bindu mein khinchte hi jaye,
sammohit ho man veena ke taron ko jhankrit kar jaye,
shabd swar lehri ban sarovar se mil jaye,
sur sargam ki lay kamal si khilti jaye,
anupam prasang kehte hue meghraj ghoshna kare,
ullasit mausam meim prem shabd udghosit ho jaye,
pap punya ka bhed na ho aise sthal mein jayein,
pranay ki aradhana mein leen hote hi jayein,
usha ki kirne nutan sandesh lekar ayein,
sandhya us sandesh ka anukaran karti jaye,
vatavaran bhor ka nimantran koi diye jaye,
hirday udgar nayee rachna ko janam diye jaye,
vedi mein jyon hi hom ki agni prajavalit ho,
preet mantra sab dishaoon ko sugandhit karte ho,
mandiro ki ghantiya goonj nad karti hon,
dev pratimaein sang sang nachti hon,
har shakhein pankhuria gira jhoomti jayein,
yugal premiyon ka abhinandan karti jayein.
----Bahukhandi---

Waah waah bahooot khoob.
Ati sundar ati sundar.