balika vadhu

Rangeele Sapno k badal mandrate hai
bachpan k is aangan me
lal,peele,hare,gulabi saptrang hai bagiya me
bula rahe hai tanman se mujhe athkheliya krne ko

k,kh,g,gh ki seedhiyon per chadhna shuru kiya hai aabhi mene
ek roz ye chanchal mann mera
gubbaro ki dor thame
gudde gudiya k khel me plavan kr
jhum rha tha usi aangan k niche
jhan me ghar ghar kheli
mitti ke khilone pramudit krte the mujhe
vo maa ki lal chunar odhe sir per
jo kono per me mandrati thi
us titli ke navpankho ki
anubhuti mujhko badi lubhati thi


kintu anbhigyta ki rassi kb mujhe
bal de gai pata na chla...
aur bandh gai kacchi umra ke pakke rishto me...


shadi ka khel khel bda bhinna hai
sach aur jhuth ki chadar liye ghumta
bindiya,kangan,chudi,sindoor hai chinhit
meri pehchan ab...
doob gya hai bachpan jisme
vo nadaan umar ab bhinna hai


sakhi saheliya sath nhi ab
sasur saas ka sang hai
hai bhram me jeeti duniya
mithya bhra hai mera jeevan
dukh k paashan bahut hai
bahut hai jimmewari bhi ab


hathon me kitaab nahi ab
sir per matkon ka bojh lda hai
ret per anguliyo ka athkhelan
badal gya hai grih-leepan me


lori,kahani,geet,nisha ke
suna rahe hai taane mujhe  ab
kha gae vo raag ab malhaar ke
haay ye sawan kesa sawan!
jo bhiga na ska tanman ko
paas chod gya ab k mere
beete sawan me masti ki killole
chapak-cham-cham barasta vo
vatsalya un mamtamayi lochan ka
vo snehbhra mridul moti
pyar aur dular ka
lupt ho gya hai parijano ke takrav me


dhul ho gai sari chaviya
bna kr saat janmo ka nata rishta tut gya jo
chod gya vo sathi mujhko
shwet rang  pehanne ko
door ho gya indradhanush vo
jeevan se mere
chod gya tanhai ab


katra-katra ban bhikhar gai hathon
se meri vo chudiyan
abhi kalai se utri bhi nahi mehndi  ki vo mehak nirali
door ho gae jeevan k swad ab
vo shiksha ki lo bhuj gai hai ab
mere is berang sansar se
ban gai thi balika vadhu me
ban gai hu ab kuch aur me kuch aur me

bahut khoob, heart touching

 

very very  very niceeeee