jab hum bachche the.

Jab hum chote the.
Tab humaare sapne bahut bade hua krte the.
Aaj sapna shuru hota hai raat ko aur subah pr khatm.
Lagta hai hum bade aur sapne chote ho gaye hai.

Kisi bhi kaam ko aasaan samjhna.
Wo umang, wo azadi, wo junoon.
Jaise ki hum hi hai wo, jo sab kuch kar sakte hai.
Par aaj na jaane kyu sochte hai ke hum kuch nahi kar sakte.
Aisa kyu.....?
Lagta hai soch simat rahi hai....

Wo baag me khelne jana.
Hari-bhari ghass par bhagna, kudna, khelna.
Aaj dusro ko suljhane me yu uljhe hai.
Ke kisi shajar ki chaav me khud ko pehchanana bhi jaise gunah hai.
Shayad halaat badal gaye hai.

Wo khelne ke liye tarasna.
Wo chidiyo se baate karna.
Panchiyo ke ghoslo se khelna.
Unhe kuch is tarah se sambhalna.
Jaise aashiyana ho apna.

Aaj chidiyo ne mere angan me ana chod diya.
Panchiyo ne apna aashiyana banana chod diya.
Wo shajar us raah par aaj bhi meri raah dekh raha hai.
Jis raah se maine apni raah badal di thi.
Apni sari taheniya faila kr khada hai aaj bhi muze gale se lagane ke liye.

Jhoot ki buniyad pr khadi ho rahi hai duniya.
Aur is duniya me hum bhi jhoote ho rahe hai.
Yaad krta hu to bahut acha lagta hai ye soch kr....ki
Jab hum bachche the.
Thode kachchey the.
Par Achchey the.
Aur sachchey the.

Aadaab Parwaz sahab
Shukriya , hum bhi yahi chahenge ki aap humesha parwaz krte rahe.