Man Baawra ....

Man baawra ho chala hai sakhi,
kaise jataaun main apni yeh batiyan!
Ek anjaana ehsaas dil ko chua,
Kya bataaun kaise kati ratiyan!

Tan man ram gaya is tarah,
Jo piya ki nihaarun main raasta!
Apni karvaton mein yun uljhi hun,
Sudh-budh bhi kar chale hai jaise koyi khata!
Man ki baansuri se koyi dhun chala hai sakhi,
Kaise sunaaun ke anginat hai kadhiyan!
Man baawra ho chala hai sakhi,
Kya bataaun man bhaaye hai sanwariya!!

Subah de chala mujhe umidon ke ujaale kitne,
Main har pehlu ko apne saason se jodthi gayi!
Kabhi jo palke neend mein ghul gayi tho,
Main khwabon mein bhi unhiko niharthi gayi!
Man ka kaisa kaarwa chala hai sakhi,
Bas pyar ki aas lethi hai angdaayian!
Man baawra ho chala hai sakhi,
Kya bataaun kitni besbr hai tanhaayian!!

Pehle tho aise na thi meri haya ki khamoshi,
Har aahat se aaj main shikayat karti hun!
Itne sayaane hai un najaron ki sharaarten,
Har baat pe sharm ki chunar odh leti hun!
Man pe kiska bas chala hai sakhi,
Deewangi ki hadon mein nahi koi kamiyan!
Man baawra ho chala hai sakhi,
Kya bataaun har adaa mein banti nayi kahaaniyan!!

Jaise taise badhti gayi rishton ki dor,
Phir bhi aadha adhura mera hai jahan!
Piya bina har mausam bhi phika lage,
Unke bagair saawan bhi berang lagta hai yahan!
Man ko chubh gaya kaisi kashish hai sakhi,
Dard bhi deti muskaan ki parchaayian!
Man baawra ho chala hai sakhi,
Kya bataaun pyar nahi kuch labjon ki jubaaniyan!!

Nice one AGP