Prem ankuran

Nain kalash se prem ras,
itna na tum chalkao,
ki bhavre bagon ke in par,
toot na pare man jao,
dosh na dena inko phir tum ,
na hi karna koi shikayat,
hriday pe unke kya bas hai,
ye to hai unki purani aadat,
rang roop jo tum paye ho,
shabdo mein use kaise kahe,
choomne ko pag tumhare,
kaliyan bhi path pe bichh jaye,
sugandh jo tum bikhere ho,
hosh na reh pata hai,
bhavon ki kopal hirday mein,
swaym prasphutit ho jati hain,
prem ka paudha ankurit hoke,
tumse lipatne ki jid karta hai,
deep milan ke antarman mein,
prajavalit hue jate hain.

bahut sundar

bht khoob