Waqt badal raha hai...

Duniya kehti hai k samay badal raha hai,
Magar hm kehte hein k INSAAN badal raha hai...

Jaise bin badal kabhi barsaat nahi hoti,
Vaise hi apne saaye se kabhi baat nahi hoti,
Din k ujaalon me to vo bhi saath rehta hai,
Magar raat hote-2 vo bhi dhundla pad raha hai,
Duniya...

Aate hein bure din to apne bhi badal jaate hein,
Yeh to phir bhi tera aks hai jo tujhse batein kar raha hai,
Duniya...

Jeb ho khaali to koi yar nahi, koi pyar nahi,
Jeb me ho maal to bin bulaaye mehmaan bhi ghar chale aate hein,
Waqt badalte to phir bhi waqt lagta hai dosto,
Ye to INSAAN hai jo pal-2 chehre badal raha hai,
Duniya...

Waqt aaj bhi vaisa hi hai, jaisa kal tha
Kal bhi 24 ghante the aur aaj bhi 24 hi hein,
Ye to INSAAN hai jo duniya me aata hai aur jaata hai,
Samay ka pahiya niymanusar chal raha hai,
Subah ka uga suraj shaam ko dhal raha hai,
Duniya...

Ache karam karo aur karte hi chale jaana,
Badalti hai duniya magar tum badal na jaana,
Pyar mohabbat se to ye sansaar chal raha hai,
Phir kyun aaj ka INSAAN is kadar badal raha hai,

Duniya kehti hai k samay badal raha hai,
Magar hm kehte hein k INSAAN badal raha hai...