मेरा हरियाणा प्रदेश

 

 

aapka tazurba saaf dikh raha hai Ram sir ji.. waah bahut achhe..

वो गंडे की पोरी, वो सड़ा सा खाना -
चवन्नी ले-कै मेळे मैं जाना ।
वे खेत्तां के गोंडे, वे बळ्धां की टाल्ली -
वे ताश खेलते बूढे, सारै दिन ठाल्ली ।
वे जंतर के ठांसरे, वे चूल्हे की रोटी -
वा बूढी-सी खोल्लां, वे खार-की सी झोट्टी ।
वो भात का भरणा, बरात्यां मैं जाना -
गर्मी की छुट्टी, वो जोहड़ मैं नहाना ।
वा तांगे की सवारी, होळी जळाना -
बुळ्धां कै खुरेहरा, वे भैंस न्हुवाणा ।
रींटले की पूणी, सुन्डू की छुट्टी -
वे मळाई धर-कै, मेस्सी सी रोटी ।
के-के बताऊं, मेरा जी जल-ग्या सारा -
मेरी मा आली कड्ढी, आर मोट्टा-सा हारा ।
मेरा जी ना जळाओ, मैं दुखी हो लिया सूं -
याद कर-कै बात्तां नैं आधा हो लिया सूं