Meditation 3 : man-budhhi ke pare hokar swayam ko sunna hi dhyaan hai

Insaani sabhyata ko aaj hum dekhen to sthati badi dayneey hai. Itna unnat hone ke baad bhi sabhi desh shastron ki daud me lage  hain. Bhale desh me bhookh se log maren lekin nuclear bomb banayenge kyun? Kyunki asuraksha ki bhaawna athaart dar. Manushya ka kendrabindu aaj shanti nahi dar hai kyunki use aage badhne se zyaada dar hai jo hai wo na khatm ho jaaye. Jabki jiwan oordhwa hone athart badhte rahne ka naam hai. Parinaamtah hum asurakhsha se bachte hain kyunki ahankaar ko badhaate hain. Ahankaari kabhi bhi gyaan ko upladh nahi ho sakta. Is tarah se pichhle 3000 saal me manav jaati ne 15000 yudhh dekhe. Kaaran sirf aham ka poshan aur har yudhh ka ant aakhiri me shanti sandhiyon se hua. Parantu aakhir wyakti itna unnat technology me hone ke baad bhi itna hinsaatmak itna moodh kaise hota gaya ki dikhawe ko hi,aham ko hi sarvaswa maan baitha. Agyaan ki ye parikaashtha ghazab hai aur atyant haasyaaspad hai. Hum sochen to yahi payenge ki hum itni gahri agyaan ki nind so chuke hain ki jaagte hue bhi soye rahte hain. Hume ye malum hi nahi ki hamari indriyan andar ki taraf bhi gatisheel ho sakti hain aur adhyaatm me sahayak. Parantu humne isse vimukh agyaan aur aham ko chuna parinaamtah andhe andhon ko raasta bata rahe,bhikhari bhikhari se bheekh maang rahe,goonge goongon ko bolna sikha raha aur bolne wale bolne walon ko bolte hue hi chup rahna. Hum agar gaur karen to paayenge kis had tak khokhle hain. Hum kisi ki baat sunte hain to pehla to sunte samay bhi hume kya bolna hai ye sochte rahte hain aur doosra sunte hum wo hain jo sunna chahte hain athaart suni gayi baat ka apna arth nikaalte hain. Dhyaan swayam ko sunna hai,maun ko mahsoos karna hai. Man-budhhi vicharon ke paar hona hai.Apne kendra ki taraf jaise 2 hum chalte hain naye jagat ko paate hain aur swayam ko hi anand ka swaroop jaante hain.

Good Work @Kaashji.

very nice