Meditation

Satya ka path kathin nahi parantu iska drashtikon sansaar se bilkul ulta hai. Jahan ek taraf sansaar  ka adhaar hi swaarth hai. Satya ka adhaar nisswaarth aur yehi insaan ko bhraanti me daalta hai.Parantu Satya ki yaatra shuru kie bgair insaan ka jiwan keede makodon se zyada kuch nahi kyunki jiwan ka uddeshya eeshwaratv hi hai.Satya athwa shunya athwa anhad athwa aatmswaroop sabhi ek doosre ke prayay shabd hain.Dhyaan sabse sugam,prarambhik w anivaarya step hai aadhyaatm athwa swaanubhav ka.Dhyaan ka arth hai nirvichaar chetna yaani hamari chetna ka wo swaroop jahan koi vichaar na uthe yaani hamari chetna ka waastavik swaroop.Dhyaan vichaarshoonyata hai jahan man ki gati avrudhh ho jati hai.Manrahit is awastha me wyakti sirf in baaton ko manan karke bhi pahunch sakta hai. Hamare man ka ekaagra hona dhyaan nahi apitu man ko bhi chhodkar yaani vicharon ka koi sahara na lete hue w swayam ko aatma maante hue aatma(chetna) me sthir hona. Dhyaan ki bahot si vidhiyan w bahut se prakaar hain parantu uprokt paribhasha sabme samaan hai. Dhyaan satya ki disha me uthaya gaya pehla kadam hai.  

nice1