Sansaar ki upyogita hai waastwikta nahi, adhyaatm ki upyogita nahi parantu waastwikta hai

Jaise haddi ya kutiya ya khaane ke peechhe kutte ladte hain dekha jaaye to hum insaan bhi vaise hi rahte hain. Kya wajah hai ki aaj hum itne vikrat ho gaye ki keechad me hi anand dhundhne lage hain. Aakhir gyaan  se hum itna kyun bhaagne lage hain. Hinsa,arajakta,krodh,ninda me to hume bahut ras aata hai parantu shanti,satya,karuna,gyaan hume nahi bhaata. Yadi hum gaur karen to paayenge ki hum apne man se adhiktar kutark karke swayam ko gyaan ki baat pe amal karne se na sirf rokte hain balki swayam ko agyaan ke path par dhakel bhi dete hain. Wajah sirf hamara ahankaar hai jisne hume sadaiv andhkaar dia. Ye ahankaar kahta hai sansaar sabkuch hai aur jiwan karm hetu mila hai aur bus kisi bhi had tak chori,makkari,dhoke se swayam ko dhan,pad athwa pratishthha dilake apne ahankaar ka poshan karta hai aur is tarah maaya me bandkar kabhi eeshwar allah ko jaanne ka khyaal bhi zehen me utha nahi paata. Ab use gyaan kachra lagta hai kyunki dikkat ye bhi hai ki gyaan ki wajah se use bahut kuch khona pad sakta hai jo usne na jaane kitni mushkilon se banaaya. Sansar pradhaan wyakti ko  ye baat hazam ho hi nahi sakti ki ek din use sabkuch chhod ke jana padega. Isi tarah kaam peedit kaam me hi ras dhundhta,dhani dhan ko sarvaswa maanta hai. Neta apni pratishtha ko. Ye sab dare rahte hain kyunki inhe inka ras chhinne ka dar rahta lekin ye ye nahi samajh paate ki baahar to mahal bana lie andar chita tyaar hai.Sansari har roz har pal dar wa khalipan se marta aur aadhyatmik maut ko bhi utsav banake jeete ji use laangh jaata hai. Sansaar ki upyogita to hai vaastwikta nahi aur parmaarth ya adhyaatm ki upyogita nahi parantu waastwikta hai. Ahankaar ke chasme se hum jitna dekhenge agyaan,patan ke siwa kuch na milega aur nirahankaar ek aisa tal hai jahan maun hi abhiwyakti hai,jahan dheere 2 sab kuch ishwarmay lagne lagta hai aur jahan sabkuch eeshwar hi hai ye wyakti tatva se jaan jata hai.

Nyc.