Ashq bhi Muskuraye (My collection of Shayris)

Thanks a lot, aapne ye topic dhund nikala uske liye bhi aur pasand karne ke liye to bahut bahtu shukriya.

Aur Kya Kisise Marasim Burha'ein Hum,
Ye Bhi Bahut Hai Tujhe Bhool Jayein Hum,

Sehra-E-Zindagi Mein Koi Dusra Na Tha,
Sunte Rahe Hai Aap Hi Apni Sadayein Hum,

Is Zindagi Mein Itni Fraghat Kise Naseeb,
Itna Na Yaad Aa Ke Tujhe Bhool Jayein Hum,

Tu Itna Dil Zada To Na Thi Aye Shab-E-FiraQ,
Aa Tere Raaste Mein Sitare Lutayein Hum,

Wo Log Ab Kahan Hai Jo Kehte The Kal Faraz,
Heh Heh Khuda Na Karda Tujhe Bhi Rulayein Hum...

Iska kya matlab hua? ? ? ? ?
mujhe samajh hi nahi aya,

Wo Khat Ke Purze Uda Raha Tha,
Hawaon Ka Rukh Dikha Raha Tha,

Kuch Aur Hi Ho Gaya Numaayan,
Main Apna Likha Mita Raha Tha,

Usi Ka Imaan Badal Gaya Hai,
Kabhi Jo Mera Khuda Raha Tha,

Wo Ek Din Ek Ajnabi Ko,
Meri Kahani Suna Raha Tha,

Wo Umr Kam Kar Raha Tha Meri,
Main Saal Apne Badha Raha Tha...
{Gulzaar}
* * * * *

Yehi Soch Rakha Hai,
Keh
Jab Bhi Wo Hamein
Kabhi Sar-E-Raah Mil Gaya To
Nigahein Chura Kar
Palkon Pe Bund Baandh Lein
Magar
Achanak Jab Wo Samne Aaya To
Hazar Zabt Ke Bawajood Bhi
Aansu Mere Gaal Tar Karte Hue,
Mera Daman Bhigo Gaye...
* * * * *
NM

Yun Bhi Hota Hai Barson Ke Do Humsafar
Apne Khwabon Ki Tabeer Se Bekhabar
Apne Ehad Mohabbat Ke Nashe Mein Gum
Apni Kismat Ki Khoobi Pe Nazaan Magar
Zindagi Ke Kisi Mod Par
Kho Gaye
Aur Ek Dusre Se Juda Ho Gaye

Yun Bhi Hota Hai Do Ajnabi Rahroo
Apni Raahon Se Manzil Se Na-Aashna
Ek Dusre Ki Khabar Tak Nahi
Koi Paimaan-E-Ulfat Nahi Koi Ehad-E-Wafa Nahi,

IttefaQ Se Is Tarah Mil Gaye,
Saaz Bhi Baj Uthe,
Phool Bhi Khil Gaye...

NM