Ashq bhi Muskuraye (My collection of Shayris)

Jee Chahta Hai Tere NaaM Ek Kitaab Likhun,
Is Kitaab Ka Tere NaaM Intisab Likhun,

Tujhe SharMinda Karne Ke Liye Main Is Mein,
Tera Aur Mera Be-Baak Hisaab Likhun,

Main Soch Soch Kar Pagal Sa Ho Gaya Hoon,
Jhele Hai Jo Tere GaM Maine, Kaise Wo Azaab Likhun,

Degi Meri Zindagi Ko Andhere Wohi,
Khwahish Thi Jise Main Aftaab Likhun,

Jo Diye Hai Tune Kaanto Ke Bistar Mujhe,
Bahut Mushkil Hai Kaanto Ko Gulaab Likhun,

Mujhse Munafaqat Na Ho Sakegi Dilki Baat Mein,
Dukhon Ke SaMundar Ko Main Kaise Sarab Likhun,

Ajab Qarb Mein Mubtila Kar Diya Tune Mujhe,
SaMajh Nahi Aata Tere Khat Ka Kya Jawab Likhun,

Lafz To Sab Hi Mita Diye Hai Mere Aansuon Ne,
Apni Kahani Ab Main Kaise Teh-E-Aab Likhun,

Ek Ek Lafz Yaad Hai Mujhe Teri Guftugu Ka,
Khwahish Hai Teri Har Baat Ko Khitab Likhun,

Jiski Tabeer Bhi Na Mil Saki Mujhko Aye Jaana,
Main Apni Kitab Mein Kaise Wo Khwaab Likhun,

Laakhon Chehron Se Haseen Banaya Tujhe Khudane Magar,
Jo Mera Nahi Us Chehre Ko Kaise Mahtaab Likhun,

Yak Tarfa Faisla Sunaya Adalat-E-UzMa Ne,
Main Is Jajj Ko Kaise Izzat-E-Mab Likhun,

Har Baat To Dil Ki Keh Dali Hai,
Isse Zyada Aur Kya Main Janab Likhun...

In Aankhon Mein Jaane Kya Raaz Hai Chhupe,
Jaane Kaise Kaise In Mein Andaaz Hai Chhupe,

Shokhiya Bhi Hai Aur Hai Shararatein,
Jaane Kaise Kaise In Mein Khwaab Hai Chhupe,

Sanwar Jaati Hoon Jab Dekhta Hai Wo Mujhe,
Jaane Kaise Kaise In Mein Jazbaat Hai Chhupe,

Sikhaya Hai Inhone Mujhe Khwaab Dekhna,
Jaane Kaise Kaise In Mein Sarab Hai Chhupe,

Ilaahi In Aankhon Ko Door Na Karna Mujhse,
Meri Zindagi Ke Saare In Mein Jawab Hai Chhupe...

Meri Mohabbat Se To Kuch Dost Bhi Jal Jaate Hai,
DushMano Se Bhi Age Hi Nikal Jaate Hai,

Gair To Gair Hai Garon Se Gila Kya Karna,
Kya Kahein Unko Jo Teer Apno Se Chal Jaate Hai,

Aasteeno Ko Bacha Kar To Bahut Rakhte Hai,
Phir Bhi Kuch Saanp Jo Anjane Mein Pal Jaate Hai,

Aap Is Shakhs Ko Patthar Bhi Nahi Keh Sakte,
Gehrayi-E-Ishq Se Patthar Bhi Pighal Jaate Hai,

Apne Haathon Mein Liye Phirti Hai Duniya Sooraj
Ek HuM Hai Ke Charagon Se Behal Jaate Hai...

Ret Se Butt Na Bana Aye Mere Achhe Fankaar,

Ek LaMhe Ko Theher Main Tujhe Pattahr Laa Dun,
Main Tere SaaMne AMbar Laga Dun Lekin,
Kaunse Rang Ka Pathar Tere KaaM Aayega,
Surkh Patthar Jise Dil Kehti Hai Bedil Duniya,
Ya Wo Pathrayi Hui Aankh Ka Neela Patthar,
Jis Mein Sadiyon Ke Tahayyur Ke Pade Ho Dore,

Kya Tujhe Rooh Ke Pathar Ki Zaroorat Hogi,
Jispe Haq Baat Bhi Pathar Ki Tarah Girati Hai,
Ek Wo Patthar Hai Jise Kehte Hai Tehzib-E-Safed,
Uske Mar Mar Mein Siyah Khoon Jhalak Jaata Hai,
Ek Insaaf Ka Patthar Bhi To Hota Hai Magar,
Haath Mein Tesha-E-Zar Ho To Wo Haath Aata Hai,

Jitne Mayaar Hai Is Daur Ke Sab Pathar Hai,
Sher Bhi Raqs Bhi Tasveer-O-Gina Bhi Patthar,
Mere IlhaaM Tera Zehen-E-Rasa Bhi Patthar,
Is ZaMane Mein Har Fan Ka Nishaan Patthar Hai,
Haath Patthar Hai Tere Meri Zuban Pathar Hai,
Ret Se Butt Na Bana Aye Mere Achhe Fankar...

Aap Jinke Kareeb Hote Hai,
Wo Bade Khushnaseeb Hote Hai,

Jab Tabiyat Kisipe Aati Hai,
Maut Ke Din Kareeb Hote Hai,

Mujhse Milna Phir Aapka Milna,
Aap Kisko Naseeb Hote Hai,

ZulM Seh Kar Jo Uff Nahi Karte,
Unke Dil Bhi Ajeeb Hote Hai...

Ek Saza Aur Aseeron Ko Suna Di Jaye,
Yaani Ab JurM-E-Aseeri Ki Saza Di Jaye,

Uski Khwahish Hai Ke Ab Log Na Hanse Na Roye,
Behisi Waqt Ki Awaz Bana Di Jaye,

Dasht-E-Nadeeda Ki Tahqeeq Zaroori Hai Magar,
Pehle Jo Aag Lagi Hai Wo Bujha Di Jaye,

Sirf Jalna Hi Nahi HuMko Bhadakna Bhi To Hai,
Ishq Ki Aag Ko LaaziM Hai Hawa Di Jaye,

Sirf Suraj Ka Nikalna Hai Agar Subah To Phir,
Ek Shab Aur Meri Shab Se Mila Di Jaye,

Aur Ek Saza SitaM Kiya Hai Usne Ijaad,
Usko Is Baar Zara Khulke Dua Di Jaye...