dayaar-e-dil kii raat mein

dayaar-e-dil kii raat mein chiraag saa jalaa gayaa
milaa nahiin to kyaa huaa vo shaql to dikhaa gayaa

judaaioun ke zakhm dard-e-zindagii ne bhar diye
tujhe bhi niind aa gaii mujhe bhii sabr aa gayaa

ye subah kii safediyaan ye dopahar kii zardiyaan
ab aaiine mein dekhataa huun main kahaan chalaa gayaa

pukaratii hain fursatein kahaan gaii vo sohabatein
zamiin nigal gaii unhein yaa aasamaan khaa gayaa

vo dostii to Khair ab nasiib-e-dushmanaan huii
vo chhotii chhotii ranjishoun kaa lutf bhii chalaa gayaa

ye kis Khushii kii ret par gamoun ko niind aa gaii
vo lahar kis taraf gaii ye main kahaan samaa gayaa

gaye dinoun kii laash par pade rahoge kab talak
utho amal kashoun utho k aafataab sar pe aa gayaa