Din dhal chuka tha aur parinda safar main tha

Din dhal chuka tha or parinda safar main tha
sara laho badan ka rawan misht-e-par main tha

had-e-ufaq pay sham the khaimay main muntazir
ansoo ka ik pahar sa hayal nazar main tha

jatay kahan k raat ki bahain then mushta'il
chuptay kahan k sara jahan apnay ghar main tha

lo wo bhi narm rait kay teelay main dhal gaya
kal tak jo aik koh-e-giran rahguzar main tha

utra tha wahshi chiriyon ka lashkar zameen per
phir ik bhi sabz paat no saray nagar main tha

pagal si ik sada kisi ujray makan main the
khirki main ik chiragh bhari dupehar main tha