Intazaar

Us din se aankhon main tera hi intazaar liye baithe hai,
Jab se jana pyar kya hai, dil main tere liye ye pyar liye baithe hai,
Teri khushboo aaj bhi in saason main ghuli hui hai,
Aur aaj bhi andhere main, umeed ka ek diya jalaye baithe hai.

Aaena dekhu to tm hi nazar aate ho,
In nazaro se dil main tm hi samate ho,
Koshish ki iss dil ko samjhane ki kai baar,
Par dil ki har dhadkan ke saath tm hi nazar aate ho.

Pyar karne ki itni badi saza hame na do,
Bin gunah ke ye intazaar hame na do,
Chaho to jaan hamari le lo,
Par ye zindigi bhar ka gam hame na do.

Iss dard se to ab pyar hone laga hai,
Reh reh ke ye dil bekarar hone laga hai,
Ab to aankhon main tere hi sapne rehte hai,
Tujhe bhulne ki baat to dur, ab to tujhse aur pyar hone laga hai.