KYA DARD BAYAN.........

 WO JHADI JHURMUT NAHI RAHE,AB DEEWAREN BHI TOOT GAYIN
 US TOOTE GHAR KE ANGAN KI,MITTI BHI MUJHSE ROOTH GAI,
 MAINE JINSE JHANKA TUJHKO,WO DARWAZE BHI SAHI NAHI,
 KYARI KE MAHKE PHOOLON KI DALI BHI JHUKKAR SUKH GAYI,
 KYA DARD BAYAN TUMSE KAR DUN,TUM HI JO MUJHSE DUR GAYE,
 HANSANE RONE KI BATEN KYA,JEEWAN KI ASHA CHHUT GAI...
                           WO BARSATEN BHI ATI HAIN,PAR ANSU DEKAR JATI HAI
                           YE SARDI BHEENGE GALON KO APNE HATHO SAHLATI HAI,
                           MAINE JINKO DEKHA RAUSHAN,TARON KI DOLI KIDHAR GAYI,
                           MAINE JIN SUBHON ME RACHI RANGOLI BHI TO BIKHAR GAYI,
                           KYA DARD BAYAN TUMSE KAR DUN TUM HI JO MUJHSE DUR GAYE,
                           RAUSHANI RANG KI BATEN KYA,JEEWAN KI ROLI BIKHAR GAYI.  
MAIN BAITHI YHI AANKHE MEECHE,PALKO KI NINDIYAD TOOT GAYI,
YE KHAMOSHI BHAR AYI TO ,BANDHI JO NADIYAN FOOT GAI,
MAINE JINKO SEENCHA DIL SE KHWABON KI BELEN TOOT GAI,
MAINE TUMNE SANG SANG KHELI,WO ANKH MICHOLI CHHUT GAI,
KYA,DARD BAYAN TUMSE KAR DUN,TUM HI JO MUJHSE DOOR GAYE,
MERE ANCHAL ME DABI HUI, HAR BAT ABOLI CHHUT GAI...............    

Waaaahhhhh Bahot hi dilfareb ahsaas hai aur aapka andaaz bhi lajawaab raha janab ....... bahut khoob daad hazir hai......


Katra katra ashk gire, ankhoN ki binai bikhar gayi
MaiN chupke chupke rota raha ek aur raat guzar gayi