Mout Ka Ilaaz

Mout ke prahaar se,
Yam Raj ke dahaad se,
Har shakti kampit hain,
Har vyakti bhaybheet hain !!

Iski na koi kriti hain,
Iski na koi smriti hain,
Yeh kaisi srishti niti hain,
Jo har kisi se jeeti hain !!

Zindagi ki dukaan par,
Mout ki hain sansani,
Kya garib kya dhani,
Sabne iski hain suni !!

Koi mar kar bach gaya,
To koi bach kar mar gaya,
Par yaha aisa koi nahi,
Jo zinda iske ghar gaya !!

Traahi traahi chahu aur hain,
Yeh marne ka kya dour hain,
Yaha har kisi ki haar hain,
Yeh mout ki pukaar hain !!

Mout atyachaar hain,
Har jeev ko sweekaar hain,
Ek aisi rog ki guhaar hain,
Jaha vigyan bhi lachaar hain !!

Zindagi ki mout se,
Yeh kaisa byapaar hain,
Kabhi na chukaya ja sake,
Yeh aisa udhaar hain !!

Mout maano to aazadi hain,
Is duniya ke mayajaal se,
Mout maano to aazaadi hain,
Is zindagi ke janjaal se !!

Aie insaan tu anjaan hain,
Iss mout ke ilaaz se,
Koun yaha bach saka hain,
Is mout ke aaghaz se !!

Mout koi rog nahi hain,
Zindagi ki ilaaz hain yeh,
Gulaam to bas zindagi hain,
Har zarre se aazaad hain yeh !!