PURSHOTTAM RAM TUM BHI.......Smardia

PURSHOTTAM   RAM   TUM   BHI…….

Kahani hai ye har yug ki                                                                                
Nari ki atript lalsa  ki                                                                            
Swarn ki amit bhookh  ki                                                                            
Na bachi is-se tyagi Sita bhi    

Kar baithi Kanchan Mrig pane ki jidd
Triya-hatth se hare Purshottam Ram
Daud pade sone ke hiran ke pichhe
Mama Marich ki chal gayee chaal        

Mrig bhranti de gaya anteryami Ram ko
Chhali gayee trikaal-darshi aankhen
Sach huaa vachan kaano sunna v aankho dekha
Bhi sach nahi hota kai baar

Ram ka mann unhe rokta tha
Par sita ki hatt  unhe nirupaay banaati
Tou prashn ye uthta kya patni ki….
Anuchit maang bhi maan leni chahiye

Maryada Purshottam Ram tum bhi kaisa Udahran
Chhod gaye hain hum manushyo k liye….
Kaise bachein es kanchan marichika se
Kaise bachein hum NAARI ki swarn pipasa se….


………….surendra Mardia……………