beshak humne tarakki kii hai...

---------------------------------


Beshak humne tarakki ki hai,
Beshak humare kadam badhe hai.
Humse ooncha kaun yahaan hai?
Hum HAVANIYAT ke shikhar pe khade hai.

Haan andhera mitne laga hai,
zara  ujalaa dikhne laga hai.
Kyu na andhere darr ke bhaage,
Shahar ke shahar jo jale pade hai...

Lashon ke parbat oonche hai itne,
Asmaan ke badal jitne.
Dharti par mushkil hai jeena,
isiliye log everest pe chadhe hai...

Kehte hai humne chaand chhoo liya,
dusre jahaan mein kadam rakh diya.
Prithvi ke tukde toh kar diye,
ab woh chaand ke peechhe pade hai...

Bam golo pe maan badaa hai,
inhe chalanaa asaan badaa hai.
isiliye junge hoti hai itni,
isiliye bhai, bhai se lade hai...

Naye log hai nayaa zamanaa,
Chhod diya jo hua puranaa.
Kapde, Makaan, Maa-Baap bhi,
Kehte hai woh bhi toh hue budhe hai...

thanks celmira