Chai Garam!

Kabir sey baat kiye aaj
pandrah din ho gaye.
Ek subah ki chai
hum saath peethe they
manoo woh bhi zaroorath sey jyada
Kuch nahi raha.

Pehle pannch din tho humne
ek dusre sey bus ek-adha chamach
baath ki hogi.
“Chai kadhvi hai !”
“Chai main aaj pani jyada hai”
“Chai main shakar kisne dala ?”
Dusre panch din tho jaise
chai-pathi khatam ho gayi.
“Main office main chai pi lunga”
“Mera dil nahi kar raha aaj chai
pine ko”
“Juice hai kya ghar main?”

Aur uske baad kuch ajeeb ho gaya…
Jaise kissne humare ghar sey
beech raath chori ki ho,
Aur sirf chai ka dabba churaya.
Maine kabir sey pucha,
“Mere liye chai nahin banayi ?”
Jawab
Chuppi
Agle din Kabir ne mujhsey pucha
“Meri chai kahan hai ?”
Mera jawab
- Band Darwaza.
Uske baad na maine kuch pucha
Na kabir ne kuch kaha.

Aaj solva din hai
Main mast aadrakwali chai
Kabir ke saath peena chahathi hoon.
Maine kaha,
“Main, hum dono ke liye chai bana rahi hoon”
Phir uski kabir ki awaz sunayi di,
“…Bana deta hoon.”
Tab tak main kitchen main thi.
Maine Shakar ka dabba nikala,
Kabir ne chai ka,
Maine cup saucer nikale,
Kabir ne pathila,
Phir hum dono fidge ki taraf badhe
Aur doodh nikala.

Kambhakht doodh phata hua nikla!

Usne mujhe dekha,
Maine usse,
Dheeme awaz main maine pucha -
“Adrak wali decoction chalegi ? “

Sunder rachna Bambi-ji....
Aap beeti hai ya kalpana....
Aksar Pati-Patni k Aham takra jaate hain aur aysi paristhiti uttpan ho jaati hai. live in relationship mai bhi aysa hota hai...
Par jab akelapan khalta hai...
ya talab jagti hai....
compromise k liye dono taiyaar hote hain par pehle kaun.....?
Jiski tanhaayee jayada wahi jhukta hai.....

Thank you Sophi ji !

Thank you anaamji
Yeh nazm kalpanic hai

Thank you madhuwesh ji