ek pal

Ek Pal

Ek pal nay
Aaksh aur dharti ko
Ek dhagay main bon kay
Rang dhanak ochalay
Doja pal
Jo bhik tha pehlay pal ki
Kasay say otra
Mathay ki raikha tehra
Kirpa aur dan ka pal
Phan chakar ka mara
Girta hai monh kay bal
Silvat say pak sahi
Phir bhi,
Hantal say karwa
Otran ka phal
Ulfat main,
Kuch day kar
Panay ki icha
Hatam say hai chal
Gairat say ari
Halaq main tapka
wo qatra,
Soqrat ka zahar
Na Ganga jal
Mehar mohabat say bhar’poor
Neem ka pani
Na karwa na khara
Wo to
Aab-e-zam zam
Os main Rehman ka bal
Her farzana
Ehad say mokti chahay
Her diwana
Ehad ka qaidi
Mar mitnay ki batain
Taltatay rehna
Kal ta kal
Jab bhi
Pal ki bigri kal
Dar Nanak kay baitha
Baikal, baikal

Great, Hasni Ji !!!!!!!!!

aap sab mairay liay bari maniviat rakhtay hain.
mein aap sab ki mohabat ka qaraz'dar hoon.
Palan'har aap sab ko kush rakhay

bari bari meharbani janab

tovajo kay liay ehsan'mand hoon.
Eshvar aap par apni kirpa banay rakhy.