gunaah .... zarraa

dil ki dhadkan gunaah hoti rahi
be-dili* dil ki chaah hoti rahi
(*heartlessness)

aasmaaN ki taraf chale lekin
taNg* galiyoN se raah hoti rahi
(*narrow)

dost ki baat ab raqeeboN* si
us ki jo wah wah hoti rahi
(*rival)

ghar n dair-o-haram* n maikhana
sadak apni panaah hoti rahi
(*places of worship)

dekh ruswai* meri sachchai
ke ye meri gawaah hoti rahi
(*disgrace)

kuchh bhi paane meiN kuchh to khona hai
aarzoo khaamakhaah hoti rahi

kar rahe ho jahaaN se par “zarraa”
khud se kaise nibaah* hoti rahi
(*endurance)

- zarraa