Hum apne saath lutf-e-zindagani le ke chalte hain.:Shairi - E

Dr. Naim Sahil

Guest

Rivayat saath apne khandaani le ke chalte haiN,
Safar meiN hum junoon-e-kamraani le ke chalte haiN.

Zammane meiN unhiN ko hi miyaN ezaaz milta hai,
Mukammal jo shaur-e-paasbaani le ke chalte haiN.

Hamaaari samt dunya dekhti hai roz hairat se,
Musalsal hum payaam-e-shadmaani le ke chalte haiN.

Had-e-inkaan-e-hasrat se guzar jaate haiN vo aksar,
Junoon-e-ishq ki jo be-takaani le ke chalte haiN.

Bahut chalaak ho kar bhi pashemaN haiN zamaane meiN,
Jo mutthi meiN ziya-e-mehrbaani le ke chalte haiN.

Kisi par munhasir hona azeeyat ka sabab bhi hai,
Hum apne saath lutf-e-zindagaani le ke chalte haiN.

Shikaar aksar ghalat fahmi ke ho jate haiN vo 'Sahil'
Tasavvur meiN jo apne bad-gumaani le ke chalte haiN.


	Logged

Similar Poetry and Posts (Note: Find replies to above post after the related posts and poetry)
	zindagi ke saath chalte by pankaj_pups in Shayri-E-Dard
	khayaal-o-khaab ki duniya mai.n saath chalte hoo by khalidrawat in Shairy-e-Dost (Friendship Poetry)
	Saath soye hain; saath jaagtey rahey hain ham! by abdbundeli in Shairy-e-Dost (Friendship Poetry)
	CHALTE HAIN by sajid_ghayel in Shayri for Khumar -e- Ishq
	tere khwaab mere saath chalte hain by Taasir siddiqui in Ghazals