Kaise Khilenge Suman Raste mein

Karoge Na Jab Tak Jatan Raste Mein,
Kaise Khilenge Suman Raste mein.

Ye Raahein Hain Manzil Pe Ja Ke Milegi,
Jinhe Dhoondhte Hain Nayan Raste Mein.

Bhatakte Ho Kyun Nirasa Ke Van Mein,
Yehi Pe Milenge Chaman Raste Mein.

Mujhe Humraah Le Lo Yun Akele Na Jao,
Ho Jata Hai Aksar Bharam Raste Mein.

Do Pad-Chinha Mere Do Pad-Chinha Tere,
Bas Itna Hi Hai Aawagaman Raste Mein.

Hans Lo Hansa Lo Kuch Palon Ka Jeevan,
Kuch Aage Hi Milenge Kafan Raste Mein.

waah waah waah bahut umda ehsaas hai.