Kokh Kiraye Par......Koyal:Shairi - E

KOYAL46

Guest

"Surrogate motherhood in India, which involves a business of $ 445 billion,
faces severe pressures from different social corners. Even the law in its
favour is criticized. Should law let the business or save the society from
onslaught of capitalism?"
Ye news meine padhi...aap sab ne bhi padhi hogi shaayad......
Kuchh likhne ka mann kiya......wo aap sab k samaksh prastut hai....

Kokh Kiraye Par.....

Haaye hum ye kaise kalyug mai aa gaye
Janm k rishte bhi hone lage hai matlabi

Maayen ab dene lagi janm auron k bachche
Kokh tak kiraye par,Dhan kamaane ke liye

Udhaar ke rishton ki ab kya mein baat karun
Kiske Genes kiska DNA kahaan ye tolmol karun

Hi-Bye kay,ye modern rishte hote hain ab sab
Tikte hain wo tab tak he,jab tak rahe matlab

Naari jo kehlaati mamtaa aur dulaar ki khaan
Kaise seh paayegi wo apne he ansh kaa ye daan


	Logged

Similar Poetry and Posts (Note: Find replies to above post after the related posts and poetry)
	Wo khushnuma aalam......Koyal by KOYAL46 in Shayri for Dard -e- Judai
	SNEH K RISHTE.....................KOYAL by KOYAL46 in Shayri-E-Dard « 1 2 All »
	AANSU PEE GAYEE........KOYAL by KOYAL46 in Shayri-E-Dard
	Ajeeb daastaan hai Yeh.....Koyal by KOYAL46 in Shayri for Dard -e- Judai
	Do U Know You....koyal by KOYAL46 in Quotable Phrase and Quotes

Rajesh Harish

Guest

Re: Kokh Kiraye Par......Koyal

«Reply #1 on: December 14, 2010, 05:10:59 PM »

Bahut khoob Koyal Ji
Yahi to kalyug hai
Insaan bahut pragti kar gaya hai


	Logged

nirala

Guest

Re: Kokh Kiraye Par......Koyal

«Reply #2 on: December 14, 2010, 05:35:54 PM »

aapne bahut achhi kavita likhi hai Koyal ji..
jo likha wo sach hai lekin ye isko kaliyug ka naam ku dia aapne???
jada nai kahunga par aapki kuch baato se sahmat nahi mai.


	Logged

KOYAL46

Guest

Re: Kokh Kiraye Par......Koyal

«Reply #3 on: December 14, 2010, 05:51:57 PM »

Rajesh ji aap ka tahe dil se shukriya.....

Quote from: Rajesh Harish on December 14, 2010, 05:10:59 PM

Bahut khoob Koyal Ji
Yahi to kalyug hai
Insaan bahut pragti kar gaya hai


	Logged

KOYAL46

Guest

Re: Kokh Kiraye Par......Koyal

«Reply #4 on: December 14, 2010, 05:54:51 PM »

Nirala ji thanks k aapne meri kavita padhi......
Ab bataaiye aapko kaunsi baat se asahmati hai....theek laga tou sudhaar lenge hum.....kai baar hum ek-tarfa soch mai likh jaate hain......

Quote from: nirala on December 14, 2010, 05:35:54 PM

aapne bahut achhi kavita likhi hai Koyal ji..
jo likha wo sach hai lekin ye isko kaliyug ka naam ku dia aapne???
jada nai kahunga par aapki kuch baato se sahmat nahi mai.


	Logged

nirala

Guest

Re: Kokh Kiraye Par......Koyal

«Reply #5 on: December 14, 2010, 06:08:50 PM »

ek aurat jab dusre aurat ki madad krti hai chahe pese lekar hi sahi--isme bura kya hai--aur ye kalyug ko dikhane ka kon sa bahana hai?
agar ye kaliyug hai to Satyug kya wo tha jisme sabhi gharwalon ke saamne ek bahu"dropadi" ko nirvatra kiya gaya??
satyug kaliyug se upar uthiye.
aajkal kitni suni maao kki god bharti hai is kiraye ki kokh se.
aap unko kuch kehte nhi jo bachhe peda kr gatar kinare chor jaate hain.
wo bhi kisi ki kokh se hi aate h bina paiso ke.
***sorry jada kah gaya maaf krna plzz


	Logged

dead heart

Guest

Re: Kokh Kiraye Par......Koyal

«Reply #6 on: December 14, 2010, 08:16:47 PM »

Bahaut bahaut khoob Koyal di..
Applause


	Logged

dead heart

Guest

Re: Kokh Kiraye Par......Koyal

«Reply #7 on: December 14, 2010, 08:28:04 PM »

Secondly, acha laga Nirala jee kay apne apni baat rakhi..Maine kuch add karna chahunga iss debate main..
Jo bache paida kar gatar kinare phenk jate hai, woh toh hai hi Zalim aur woh bhi un-pasandida hai..
Khair, jahan tak baat kiraye kay kokh ki hai, uss par mera opinion yeh hai kay yeh toh aise hi hogaya jaise ap bacha adopt kar rahe hai..Di ki nazm main kahin maine DNA ki line parri thi toh yeh bilkul sahi hai kay DNA aur khoon match nahin karega..
uss bache ki point of view se dekho kay barra hone kay baad usse pata chale kay jiss Maa ne usse khana khilaya hai, apni god main sulaya hai, usne usse janam nahin diya toh uss par kya bitegi??
Ap ek baar iss baat par gaur kijiyega..

Aur yeh bhi socho kay Khuda na khasta ager woh bacha gum jata hai aur DNA match karke claim karne ki baat ati hai toh kya hoga kyun ki uss maa ka DNA different hoga bache se..

Ager koi aurat bacha paida nahin kar sakti, toh mere hisab se Rabb ka dar aur rahemat khuli hai..Usse koi aur aurat ki kohk ka sahara nahin lena chahiye..Iss qainat main har cheez Rabb ki marzi se hai toh zidd karke, apna koi tarika nikal kay nahin barrna chahiye..yeh main apko by personal experience bata raha hoon..kabhi bhi uss Rabb se zidd nahin karna..bahaut bahaut bahaut nuksan hota hai..

Aur dusre aurat ki kohk istamal karna yane koi mard ki zarurat toh iska matlab ap apna pati share kar rahe hai..[main nahin janta yeh kiraye ki kohk ka system ko isiliye yeh baat kehgaya thinking about the natural way of earning a baby..Ager galat kaha ho, toh maafi ka talabgar hoon..]

Maine yahan sirf apni opinion rakhi hai, Koyal di ka saath nahin diya toh Nirala jee galat na samjhiyega..yeh sirf ek coincidence hai kay mere vichar di kay vicharon se milte hai..

Allah sabko khush rakhe aur aulad se nawaze..!


	Logged

nirala

Guest

Re: Kokh Kiraye Par......Koyal

«Reply #8 on: June 05, 2011, 02:59:57 PM »

rahim dost……
mai to aaj bhi aap ki aur koyal ji ki bato se sahmat nai hu…
kabhi b bache ka d.n.a. pita se match ki jati hai maa se nahi…
aur haan rabb se mai zidd karta hu…coz mai rabb ko hi apna asli parents manta hu…
baaki aaj ke iss badalte yug me jis kaam se kisi ko khusi mile wahi kaam jayaj hai Usual Smile