KSHRAN BHANGUR---by ghansham das ahuja

               KSHRAN BHANGUR

yeh jeevan kitna kshran bhangur hai
koi bhi yahaan nahin hota amar hai

jo bhi aaya is jahan mein ik din to use jaana hai
yaad rakhe yeh jamaana aisa kuchh kar dikhana hai
bas itna tu soch le insaan yah tera asthai ghar hai

sage-sambandhee kuchh din ro-ro chup ho jayenge
sahi bhi hai rote rahne se bhala vo kya payenge
sabko bhali-bhanti malum hai ye shareer nashwar hai

jeevan mein sukh dukh saath saath hein chalte
jo na samjhe ye baat vo rahte haath hein malte
kisee ko chatai bhi nahi to kahin sar par chanvar hai

sabka tum sammaan karo aur samaanta ka vyavhaar karo
gar paani hai izzat tumhen shaleenta ka vyavhar karo
yah sach hai bandhuvar sadvyavhar mein hota bada asar hai

kitne aaye chale gaye naam na unka koi lene vala
andhkar mein kho gaye vo mila na jinko khene vala
dishaheen ho jate log vo jinki naiya beech bhanvar hai

rukna tera kaam nahin bas chalna hi teri jindgee hai
jo diya uparvale ne usee mein sabra uski bandgee hai
phoolon ki sej unko hi milti jisne kiya kanton bhara safar hai

yeh jeevan kitna kshran bhangur hai
koi bhi yahaan nahin hota amar hai

ghansham das ahuja

thank you safira ji

saini sahab ,
correction kar diya hai , is site par hindi mein type karna bhi jald aapse seekh paaoong mujhe ummed hai, vaise dusri site par susha font typing ki practice hai,hausla badane ke liye bahut bahut dhnyavaad,

""TUM BIN"" upload ki hai apki najron se gujrana chaoonga.

ghansham das ahuja

dolly ji , bahut bahut dhanyavaad
ghansham das ahuja