Yoindia Shayariadab - Promoting Poetry.

Lagta Hai Kavi Hoo Jaunga

by drpandey on January 21, 2010, 03:24:00 AM

Yoindia ShayariAdab > Shayri ( Poetry ) or Shayari > Shairi - E - Zindagi > Topic: Lagta Hai Kavi Hoo Jaunga

Pages: [1]

Author

(Read 792 times)

drpandey

Guest

Lagta hai kavi hoo jaunga !!!
===================
Lagta hai kavi hoo jaunga
Sunne laga hun dil ki baten,
Aane lagin suhani yaaden,
Shayad kalam uthaunga !Lagta hai..!

Sooni chhat aur raat andheri,
Gum-sum ghoom raha hun,
Bahki-bahki purvai mein,
Shayad main kho jaunga !Lagta hai..!

Sapno ke mahlon par chadkar,
Chand sitaron se baate kar,
Reton ke ek tajmahal mein,
Apna shish jhunkaunga !Lagta hai..!

Beer ras bhari kavita likhkar,
Karuna se akshhadit kar,
Chhui-mui ki daali ko,
Apna brahmsatra banaunga!Lagta hai..!

Phulon se baatein karta hun,
Apne mein ghum sa rahta hun,
Umr sitam ki lagti lambi,
Kaise ise bitaunga !Lagta hai..!

Chalte mein sapne dikhte hain,
Sote mein chalne lagta hun,
Nazuk chotein soi-soi,
Inko nahin jagaunga !Lagta hai..!

Lalach kya tera bholapan,
Kya swarath ke tane-bane,
Jhunth makhmali poshakon mein,
Shayad! ghut ke mar jaunga !Lagta hai..!

Dr HP Pandey
Allahabad


	Logged

Similar Poetry and Posts (Note: Find replies to above post after the related posts and poetry)
	Mar jaunga............ by Amit Janglan in Shayri-E-Dard « 1 2 3 4 »
	-Mein Ik Din Fanna Ho Jaunga- by HumTum in Shayri-E-Dard
	CHOONE SE BIKHAR JAUNGA.... by pandit in Miscellaneous Shayri « 1 2 3 4 5 »
	Pal Bhar Me Hi Me Tut Jaunga by Shayaries_King in Shayeri for Dard -e- Bewafai
	Jane kahan jaunga,shayad chala jaunga by @kaash in Shayri-E-Dard « 1 2 All »