Mein jo bhi hoon

Mein jo bhi hoon

Mein jo bhi hoon
Es say kiya
Chaand aur suraj ki kirnoon par
Maira bhi haq hai
Dharti ka her mosam
Khoda ka her ghar
Maira bhi to hai
Quran ho kah Gita
Ramraen ka her qessa
Baebal ka her warqa
Garanth ka her panna
Maira bhi to hai
Taqseem ka dar
Jab bhi kholta hai
Laat kay daftar ka her munshi
Barood ka malik
Parchi ka mangat
Taqseem ka dar band kar daita hai
Daftari molaan kay monh main
Kheer ka chancha rehta hai
Pandat aur Father
Madrassay ka mashtar
Haan naan kay pul par baithay
Totay ko fakhta kehtay hain
Dad’gar kay dar ka sawali
Pani balota hai
Kam’tar say bhi kam’tar
Kalaj ka monshi
Jivan dan hawa ko tarsay
Gholamoon kay sam pitay
Barshoon ki zad main hai
Sab acha ka tilk saja kar
Sofaid ghar kay chamchay
Tony kay karchay
Taqat kay pait main
Korbal korbal kartay kiray
Ajmal ka monh charatay hain
Raam aur Esa kay bool
Maical Jaksan ki phorti
Kareshma ki chosti main
Rol khol gay hain
Masael ki rori par baitha
Mein gonga behra
Zakhmi zakhmi
Madinay walay ki rah daikhay hoon
Ali Ali pokaray hoon
Nanak say bhudhi
Lakchaman aur Baha say Veer
Talashay hoon
Mein jo bhi hoon
Es say kiya
Mithay boloon par
Maira bhi to haq hai

khasusi tovajo k liay ehsan'mand hoon.