MERI YE BHOOKH

Meri ye bhookh hi mujhako,   kabhi sone nahi deti,
hirdey me dard ghav  hon ,    magar rone nahi deti !

me paata hun yahan jitana,   gart me utana girata hun,
bhatakataa beech sagar ke fansa laharon pe tirataa hun,
sach paane nahi deti ,jhuth khone nahi deti,
meri ye bhookh hi mujhako kabhi sone nahi deti !!

me phelaa apane haathon ko, samey se mangata var do,
kabhi ye do kabhi wo do kabhi sukh do kabhi ghar do,
meri apani hi saansen dhire dhire chhuti jati hain,
najar ki rosani dhundhalati himmat tooti jati hai,

meri ye bhookh bhi abto mujhe lagati parayi hai
kayi pidhi ko sukh dene ki jaise man me aayi hai
nahi jaana hai kuchh lekar, naa koi kan hi mera hai,
ye jivan hai bahut chhota ,yanhaan sab kuchh hi tera hai,

mera  ahsaas mere dil ko bhi hone nahi deti,
meri ye bhookh hi mujhako kabhi sone nahi deti !

meri ye bhookh hi mujhako  kabhi sone nahi deti !!!