Muhabbat meiN har ik chehra kashish-angez rahta hai. :Shairi - E

Dr. Naim Sahil

Guest

Koi mausam ho lekin zarf-e-dil labrez rahta hai,
Muhabbat meiN har ik chehra kashish-angez rahta hai.

Ye lagta hai ki usko bhi muhabbat ho gayee mujhse,
Har ik jumla ab uska farsi-aamez rahta hai.

Tiri qurbat se uthte hain hazaaroN walwale dil meiN,
Jawani meiN har ik lamha nishat-angez rahta hai.

Main kar ke laakh koshish bhi bhula paata nahiN tujh ko,
Tira andaaz jane-jaN qyamat-khez rahta hai.

Koi zaalim wahaN amn-o-amaN rahne nahiN deta,
Jo khitta uski nazroN meiN bahut zarkhez rahta hai.

Bhatak sakta nahiN insaN koi raah-e-sadaqat se,
Khuda ka khauf rahta hai to har parhez rahta hai.

Palat kar dekhiye 'Sahil' kabhi tareekhe-insaani,
sajaata hai wahi awraaq jo sartez rahta hai.


	Logged

Similar Poetry and Posts (Note: Find replies to above post after the related posts and poetry)
	!!~~~~!! Wah Mere Dil Mein Rahta Hai~~~!! by waheed_rose2004 in Shayri for Khumar -e- Ishq « 1 2 All »
	Har nazar mein ek kashish hoti by Wise-Asim in Miscellaneous Shayri
	is muhabbat mein, mein akeli thi... by shiba in Share: Poetry of Pain
	Kashish thi teri nigahao mein by satay in Shayri for Khumar -e- Ishq
	Maa ke dil me bachhe ka hansta chehra rahta hai by @Kaash in Miscellaneous Shayri

madhuwesh

Guest

Re: Muhabbat meiN har ik chehra kashish-angez rahta hai.

«Reply #1 on: February 15, 2010, 10:50:31 AM »

Wow bahut khoob Dr Naim ji.very beautiful gazal.lovely creation.excellent


	Logged

Rishi Agarwal

Guest

Re: Muhabbat meiN har ik chehra kashish-angez rahta hai.

«Reply #2 on: February 15, 2010, 11:55:12 AM »

Nice


	Logged

riyaz106

Guest

Re: Muhabbat meiN har ik chehra kashish-angez rahta hai.

«Reply #3 on: February 16, 2010, 12:02:49 PM »

Marhaba Sahil sahab, aapki khoobsurat shayari ki ye peshkash bahut lajawaab hai. HaseeN pairaai ke sher hai Sahil sahab.khoob bahut khoob, sudafreen.


	Logged

waquif ansari

Guest

Re: Muhabbat meiN har ik chehra kashish-angez rahta hai.

«Reply #4 on: February 17, 2010, 10:14:43 AM »

Quote from: Dr. Naim Sahil on February 15, 2010, 10:33:45 AM

Wah wah wah! Kya qayamat-khez ghazal pesh ki hai Sahil Saheb aapne. Ghazal ke sabhi ashaar laajawaab haiN. Bhai kamal karte haiN aap. Bahut achhoote diction baDe hi purmaGhz pairaaye meiN aap ne baaNdh diya hai. Maza aa gaya aapki ghazal ko paDhkar. Isi tarah likhte rahiya aur yahaN share karte rahiya. Is khoobsurat ghazal k liye aap mubarakbaad k mustahaq haiN. HazaroN daad qubul farmaayeN.


	Logged

Dr. Naim Sahil

Guest

Re: Muhabbat meiN har ik chehra kashish-angez rahta hai.

«Reply #5 on: February 20, 2010, 10:28:38 AM »

hosla afzaee ke liye main tah-e-dil se aap sabhi ka shukr guzaar hoon.


	Logged

Pages: [1]

Yoindia ShayariAdab > Shayri ( Poetry ) or Shayari > Shairi - E - Zindagi > Topic: Muhabbat meiN har ik chehra kashish-angez rahta hai.