my sweet 'pari'

To my sweet daughter pari,

Tum jo aayin zindagi mein , baat ban gayee.

Dil ke kone mein kabse chipaya tha,
Sapna tumhare aane ka aankho mein samaya tha,
Pane ko tumhe kiye hamne kitne jatan tab,
tumhe hamne hamare SAI se paya tha,

Dekha tha jab tumhara chehra dil bhar aaya tha,
Utha kar jab tumhe gale se lagaya tha,
Chalak aaye the aankhon mein aansu jab,
Meri ungli ko tumne haathon se dabaya tha.

Hans kar tumne hamare ghar ko mehkaya tha,
Ro kar tumne hum sabko hansaya tha,
Hua tha mujhe baap hone ka ehsaas jab,
Pehli baar tumhe lori gaa kar sulaya tha,

Maanga tha tumhe hee jab haath failaya tha,
Chaha tha tumhe hee jab sar ko jhukaya tha,
Shukriya hai baar baar mere SAI ka,
Jisne hamari bagiya mein ye phool khilaya tha,

Pa ke apni 'PARI' ko humara jeevan muskaraya tha,
Kaise tumhare intejaar mein ek ek din bitaya tha,
Bhool gaye hain apne dukhon ko hum jab,
Tumne apni shaitaniyon se humko hansaya tha,

 

 

 


Speechless...Apane To Meri Aankhein Nam Kar di Jo Bahut Kam Hoti Hai Kisi Kavita Par..Aapko Dil Se Daad Aur uss Pari ko Duniya Bhar ka Pyaar..

 
bahut khoobsurat ehsaas aruji. dil bhar aaya. is khushi ko woh hi mehsoos kar sakta hai jiski apni beti ho. hazaron dili daad aapko is rachna par.

thanx bhupinder kaur jee.....

BAHUT HI KHOOBSURAT ... bahut hi pyar sey likha hai aap ney
bahut badiya likha hai .. wah wah wahhhh

jasbir singh

thanx nashwa jee....