parivartan

kitni viraan , kitni tanha,
kitni akeli si ho gayi hai ye jindagi,
kabhi jo has has ke bola karti thi,
kitni chup chap si ho gayi hai wo jindagi..

      jiski chaawn ne humein kabhi,
      dhoop ka sparsh bhi na hone diya,
      jiski haseen ne humein kabhi,
      ek pal ke liye bhi udaas na hone diya,
      jiske kaandhe par sar rakh kar,
      hum jahan ke sab sukh pa lete the,
      kitni anjaan si ho gayi hai,
      aaj wahi humari apni jindagi...

kabhi ek saccha dost banke,
jo mushkilon mein hamara saath deti thi,
kabhi apne aanchal mein humein chupake,
bade pyar mamta barsaati thi..
aur kabhi jiski daant sunke ,
bachpan ki galtiyan yaad aati thi..
kitni begaani si ho gayi hai,
aaj wahi hamari apni jindagi..
kitni tanha si ho gayi hai,
aaj wahi meri jindagi.....