pita

Kabhi abhimaan to kabhi swabhimaan hai pita,
Kabhi dharti to kabhi aasmaan hai pita,
Janam diya hai agar maa ne
Janega jisse jag vo pehchaan hai pita

Kabhi kandhe pe bithakar mela dikhata hai pita,
Kabhi banke ghoda  ghumata hai pita,
Maa agar pairo pe chalna sikhati hai,
To pairo pe khada hona sikahata hai pita

Kabhi roti to kabhi paani hai pita,
Kabhi budhapa to kabhi jawani hai pita,
Maa agar hai masoom see  lori,
To kabhi na bhool pao vo kahani hai pita,

Kabhi hansi to kabhi anushaasan hai pita,
Kabhi moun to kabhi bhaashan hai pita,
Maa agar ghar mein rasoi hai,
To chalta hai jisse ghar vo raashan hai pita,

Kabhi khwabon ko puri karne kee jimmedari hai pita,
Kabhi aansuon mein chipi laachari hai pita,
Maa gar bech sakti hai jarurat pe  gehne
To jo apne ko bech de vo vyapari hai pita

Kabhi hansi aur khùshi ka mela hai pita,
Kabhi kitna tanha aur akela hai pita,
Maa to keh deti hai apne dil kee baat,
Sab kuch samet ke aasmaan sa faila hai pita,

Kabhi ghar pe pehra hai pita,
Kabhi sar pe sehra hai pita,
Maa hai gar vishal hriday vali dharti,
To sanundra se gehra hai pita,

waah bhot acha likha hai ap nay

bahut khoob

 

Awesomeeeeeeeeee aruji... dheron dheron daaaaaaaaaaaaad...

thanx nandbahu jee..