Pyaar ya Bandhan

Bada gahan hai ye vichar
hota hai kya yeh pyaar
kya isse sajti hai jindagi
ya hai yeh koi bandagi?

Pyaar ka kaisa yeh bandhan
bade hi sundar hai yeh spandan
par aatma ko jiske pyaas hai
kya yeh wahi aans hai?

jitne bhi logon se karo pyaar
mann lagta nahi baar baar
mera antarmann jise khoje
woh kaun hai yeh sab soche

pyaar se lagti hao jo aag
jalke lakdi banati hai khaak
kab miloge mujhko aap
yehi sochta mann din-raat

mitegi na yeh kabhi pyaas
yehi kehte kabir, gyandev, tulsidas
japo raam naam ki dhuni khaas
mit jayegi saari aans...

pyaar aisa hi ek bandhan
durr kare saare spandan
bandhan mei phaso todne bandhan
jab mil jayee devaki nandan...

hariom hariom hariom