Rukhsat na karna kabhie...

Rukhsat na karna kabhie saaqi apne dar se,
bahut naumeed hokar nikla hoon main apne ghar se.

Ek tera hi sahara hai is gham ki duniya mein,
aaj ne rokna mujhe pee raha hoon pehle peher se.

Tera maikhana aasra hai mujh jaise ruswa logon ka,
kya hua jo tera aashiyan hai door shehar se.

Suni sunai baton par tum kabhie yaqeen mat karna,
log andaaz e bayan badal dete hain sunkar khabar se.

Tod sakta to tod lata khuchh khawab zindagi ke daaman se,
ye nahin hai aasan jitna todna fal shajar se.

Zindagi humko har mod par yun hi maat de rahi hai,
sambhal paaya hoon tere hi aasre is qahar se.

                            Daljeet'faqeer'

kYA BAT HAIN DALJEET BAHUT KHUB