satay kay sab rastay

Khont par latki var’mala
Aas kay rastoon say pochay hai
Maang main taray bharnay wala
Kab lot kar aa’ay ga?
Qais ki boli to sab bolain
Aj  satay kay sab rastay
Ja’afar kay ghar ko jatay hain
Jitay ji munsoor nay
Sach ko
Kab biktay daikha
Aj ka sach to yah hai,
Ganga karti hai chal
Shanni ko talaq karo
Chanda ki roshan kirnain
Zulmat ki bhasha bolay hain
Chahat ki komal qadroon ko
Jivan jazboon say aaq karo
Maqtool ki gardan
Qatil kay khanjar par aa kar
Qatil ko mazloom tehra’ay
Gowahi ko ghar say
Koe kayoon niklay?
Mein tum say kehta hoon Hasni
Chup ki lahad say bhar kar
Bin khatray koe asthan nahain
Balwan ka khisa to
Gon ki gothli hai
Hontoon ko se lo
Kalay kalmoon ka vish pi lo
Aj kay siyanay kehtay hain
Jo balwan nahain woh insan nahain

shukarriya janab