Shaan o shaukat ki kamaaie kijiye -Panna 2:Shairi - E

Ghulam Haider

Guest

«Reply #15 on: July 22, 2012, 03:35:25 AM »

Janaab "khamosh_aawaaz" ji aur janaab "shaukeen" ji aap donoN ka kalaam pasand karne aur daad dene ke liye bbohot 2 shukriya.


	Logged

Similar Poetry and Posts (Note: Find replies to above post after the related posts and poetry)
	kijiye(NM) by maya01 in Shayeri for Dard -e- Bewafai
	Ye Mere Rab Ki Shaan Hai,. by Azeem Azaad in Shayari-e-Parastish
	NAZRE KARAM KIJIYE by monamithiya in English
	Na kijiye Takallum Gila hi kijiye by @kaash in Ghazals
	shaan zeeshaan by shaan zeeshaan in Tarruf Yoindia Sae : Give your Introduction

BANSI DHAMEJA

Guest

Re: Shaan o shaukat ki kamaaie kijiye

«Reply #16 on: July 22, 2012, 05:04:31 PM »

GULAM HAIDAR JI KIN ALFAAZ SE AAPKA SHUKRIYA ADAA MAIN KAROON
DOSTOM KI DOSTI BANAYE RAKHE YEH KHUDA SE ILTJA MAIN KAROON


	Logged

ParwaaZ

Guest

Re: Shaan o shaukat ki kamaaie kijiye

«Reply #17 on: July 22, 2012, 09:02:20 PM »

Haider Sahaab Aadaab!

tavil waqfe ke baad aap jaise seniour member ki janib se
khoobsurat gazal aayi ... badi masarrat ho rahi hai..

Behad khoobsurat gazal kahi hai sahaab behad khoob... bade
hi tez tarraar khayaalat ka muzaheraa kiya hai...
Sabhi ashaar aik se badhkar aik rahe... kuch ashaar toH
behad gazab ke rahe janab...

Humari hazaaroN dili daad O mubbarakbad kabul kijiye is
khoob kalaam par...

Aate rahiye... likhate rahiye...
Bazm ko aabaad rakhiye... Shaad O aabaad rahiye...
Khuda Hafez...

Quote from: Ghulam Haider on July 20, 2012, 10:52:47 AM

Dur e HaaZ'ir daur aazaadi ka hai,
Khoob khul kar be Hayaaie kijiye.

Masha Allaah kia kahne janab bada hi ziNda dil
aur umdaa sher kaha hai daad daad daad ......

Pyaar meN kyaa hai ke jo jaaiz na ho,
Kar ke wa'dah be wafaaie kijiye.

Waah jee waaH kia kahne beshak behad khoob sher hai
daad daad daad daad .....

Daaltaa hai kaun baaTin par naZar,
Sirf Zaahir ki Safaaie kijiye.

Waah jee waaH behad khoob bada umdaa aur saaf khayaal hai daad ...

Hai Siyaasat ka yehi aSl e uSool,
Apne qabz'eh meN khudaaie kijiye.

Kia kahne janab bahut khoob daad ....

Khul ke Haider naam achchaaie meN aaye,
Chup chupaa kar har buraaie kijiye.

Hahahahhaha Haider Sahaab kia kahne janab... bada hi
khoob maqta kaha hai daad daad daad ....


	Logged

sushilbansal

Guest

Re: Shaan o shaukat ki kamaaie kijiye

«Reply #18 on: July 22, 2012, 10:55:44 PM »

Quote from: Ghulam Haider on July 20, 2012, 10:52:47 AM

DostoN apni aik adnaa si kaavish aap ki khidmat meN pesh kar rahaa hooN, ummeed karta hooN ke luTf andoz hoNge aur apne khayaalaat ka iZhaar farmaayeNge.

Shaan o shaukat ki kamaaie kijiye,
Apne muNh apni baRaaie kijiye.

Keejiye jab keejiye bas apni baat,
Har jagah per khud-numaaie kijiye.

DostoN meN jo ho ghaaib jitni der,
Utni der us ki buraaie kijiye.

Dur e HaaZ'ir daur aazaadi ka hai,
Khoob khul kar be Hayaaie kijiye.

Pyaar meN kyaa hai ke jo jaaiz na ho,
Kar ke wa'dah be wafaaie kijiye.

Daaltaa hai kaun baaTin par naZar,
Sirf Zaahir ki Safaaie kijiye.

Jo mile kamzor us se be khaTaa,
Jitna ji chaahe laRaaie kijiye.

Hai Siyaasat ka yehi aSl e uSool,
Apne qabz'eh meN khudaaie kijiye.

Sab ki baateN ghaur se sunye magar,
FaiSlaa apnaa nihaaie kijiye.

Khul ke Haider naam achchaaie meN aaye,
Chup chupaa kar har buraaie kijiye.

Shayri kay raang aur andaz ka kia kahana.Bahut khoob kaha, Sushil Bansal (Sheel Didi)


	Logged

Ghulam Haider

Guest

Re: Shaan o shaukat ki kamaaie kijiye

«Reply #19 on: September 22, 2012, 10:54:25 PM »

Janaab "ParwaaZ" ji aur "Sushil Bansal" ji, aap donoN se ma'z'erat chaahta hooN ke bar waqt aap ke moHabbat bhare comments ka jawaab na de sakaa. Aap donoN HaZ'araat ka tah e dil se shukriya adaa karta hooN ke mere kalaam ko apnaa waqt diya, apne khayaalaat ka iZhaar farmaya, meri himmat afzaaie ki....
be Hadd shukriya.


	Logged

Pages: 1 [2] All

Yoindia ShayariAdab > Shayri ( Poetry ) or Shayari > Shairi - E - Zindagi > Topic: Shaan o shaukat ki kamaaie kijiye