TalkhiaN

TalkhiaaN

Tu mujh pe karay sang ki baarish
MaiN zubaN bhi hilauN to gunahgaar banuN
MaiNney banaaya aazaadi ko ahud apna
Teri tamn_na ki maiN tera ahalkaar banuN

Meri takhleeq meiN nahiN jo shokhioN ke dum
To teri nazar meiN koi sukhnwar hi nahiN
MaiN afkaar ki hudd se guzar jaaney ka huiN Qayal
Aur terey jahan-e-adab meiN maiN koi shaayar hi nahiN

Meri zidd ki maiN isay rif_atauN pe bithauN
Teri shart ki maiN isay kuch neechay utaar lauoN

Shaayri mehaz byaan-o ishq-o-raqeeb-o saaqi-o-jaam nahiN
Yeh rah-e-irtaqa-e-insaani hai bus fasun-e-alfaaz ka naam nahiN

Daad apnay asha_ar ki isliyey shayud kabhi sun na pauNga
KaliyaN nishat-e-tasleem-e-fun ki shayud kabhi chun na pauNga

Apni apni jagah "Sagar"
hum tum dono hi majboor haiN
Main apnay ahud ka hamil
Aur teray myaar khud meiN magroor haiN
---------------

Ahalkaar -ji hazuri karney wala
Sukhanwar- Shayar
Rif_at- uNchaai
Rah-e-irtaqa-e-insaani-- insaan ki tara_ki ki rah
Fasun-e-alfaaz--- magic of words
Nishat-e-tasleem-e-fun-- garden of the recognistion of the art
Ahud---Promise

Brijinder"Sagar"

very nice shayari brijinder ji,main chahta hoon aapki kalam choom loon,you are right:

SHAYRI MAHAZ BYAAN O ISHQ O RAQEEB O SAAQI O JAAM NAHIN
YEH RAH E IRTAQA E INSAANI HAI BUS FASUNE ALFAAZ KA NAAM NAHIN

   very true barjinder,jo kalam insaan ke kaam na aae woh kalam hi nahin,sachaa shayar hamesha insaan ke haq ki baat karega,log use daad dein yaa na dein.apna ye AHED kayam rakhiega,dunia kuch bhi kahe....

YOU ARE A TRUE SHAYAR

SALAAM SIR