Taqdeer badal sakti hai !:Shairi - E

shara63

Guest

Tu jo chaahe teri taqdeer badal sakti hai
   Laakh na chahe duniya, phir bhi saNbhal sakti hai

   Ye na soch hargiz, kya kahta hai zamaana
   na soch ke sach hai ya ghalat hai tera afsaana
   tu iss haalaat-e-zamaana se pareeshan na ho
   qissa goie ki rawaayaat se hairan na ho

   Kaam apna tu apni hi dhun me kiye jaa
   zillat-o-ruswaai ka har ghooNt chupchaap piye ja
   Khud ba khud saNwar jaaega mustaqbil tera
   bass tu apne aaj se, mukammal insaaf kiye jaa

   Kal ho jaaega tere qaayal ye zamaana saara
   bhool jaaega tere maazi ka fasana saara
   Badal jaaenge qaseede me sab tanz-o-fiqre
   phir mukhlif hi uthaaenge tere naaz-o-nakhre

   Ye to dastoor-e-zamaana hai, kisko bakhsha hai yahaaN
   Voh Seeta ho ke Meera, ya Shyaam ki pyaari Raadha yahaaN
   Devi ko agni pareeksha se guzarna padta hai yahaaN
   Prem ki khaatir zahar bhi peenaa padta hai yahaaN

   Paak nikli thi ek, agni pareeksha se guzar kar
   Devi akshay bani dooji, zahar ka pyaala peekar
   Thee markaz-e-nafrat jo ik waqt kabhi duniya ki
   aaj karte haiN ibaadat sab usi Raadhaa ki

   Ek tu hi toh nahi hai tanhaa, in raahoN me
   hamsafar aur bhi hain tere, zaraa aage toh nikal
   jo tere dil ki gawahee ho, usi gaam pe chaal
   khud ba-khud teri mushkileN ho jaaeNgi hal

   Kud ba khud teri mushkileN ho jaaeNgi hal ...................'ainy'

Note : Ye Bade hee afsos ki baat hai ke jis desh me aurat devi ki tarah pooji jaati hai waheeN har qadam par ladkiyoN ko samaaj ke dohrepan ke chalte tamaam zillat-o-ruswaai ka saamna karke na jaane kitni pareshaniyaaN uthani padtee hain.. Ye nazm mainey aise hi ek waaqiye se mutassir hokar zulm-o-zyadati ki shikaar bachchiyon, aurtoN ki hauzal afzaai ko likhi hai…ummeed karti hoon aap sab isme chhupe hue message par ghaur zaroor kareNge aur ise pasand kareNge , Shukria !!


	Logged

Similar Poetry and Posts (Note: Find replies to above post after the related posts and poetry)
	aap bhi jake badal lain main badal aya hoon... by Zamir Ka Qaidi in Mazahiya Shayri(Funny Shayari)
	Badal de zaaecha pandit mere taqdeer badle ge by khalidrawat in Shairy-E-Watan
	Chehray badal badal ke mujhey mil rahay hain log by Satya.patel in Shayri for Khumar -e- Ishq
	Zaat Badal Nahi Sakti by mazHur in Miscellaneous Shayri
	thikane parnindon ne badal liye,waqt ka rukh badal jane ke baad by sunildehgawani in Shayri-E-Dard « 1 2 3 All »

mkv

Guest

Re: Taqdeer badal sakti hai !

«Reply #1 on: December 12, 2012, 05:45:33 AM »

Ye to dastoor-e-zamaana hai, kisko bakhsha hai yahaaN
Voh Seeta ho ke Meera, ya Shyaam ki pyaari Raadha yahaaN
Devi ko agni pareeksha se guzarna padta hai yahaaN
Prem ki khaatir zahar bhi peenaa padta hai yahaaN

Bahut badhiya shara jee

Aapki is khoobsurat nazm par bahut bahut badhaai


	Logged

shara63

Guest

Re: Taqdeer badal sakti hai !

«Reply #2 on: December 12, 2012, 05:54:09 AM »

mkv sb, nazm pasand karne aur badhaai dene ke liye aapka bahut bahut shukria!


	Logged

sksaini4

Ustaad ae Shayari

Rau: 853

Offline

Gender: Male

Waqt Bitaya:
112 days, 8 hours and 51 minutes.
Posts: 36414
Member Since: Apr 2011

Re: Taqdeer badal sakti hai !

«Reply #3 on: December 12, 2012, 08:03:31 AM »

laajawaab peshksh


	Logged

shara63

Guest

Re: Taqdeer badal sakti hai !

«Reply #4 on: December 12, 2012, 10:37:31 AM »

bahut shukria Saini sb!


	Logged

aqsh

Guest

Re: Taqdeer badal sakti hai !

«Reply #5 on: December 12, 2012, 10:55:10 AM »

bahut pyaari nazm hai shara jee bahut bahut mukarak ho


	Logged

shara63

Guest

Re: Taqdeer badal sakti hai !

«Reply #6 on: December 12, 2012, 11:13:48 AM »

aqsh ji, aapko nazm pasand aai...padh kar achchha laga...pur-daad claps ke liye aapko meri dili shukria !


	Logged

ParwaaZ

Guest

Re: Taqdeer badal sakti hai !

«Reply #7 on: December 12, 2012, 07:25:44 PM »

Sharaa Jee Aadaab!

WaaH jee waaH bahut khoob ... badi achchi nazm kahi hai
aapne...
Waise toH puri nazm achchi rahi par..

Par woH seeta mira aaur radha wala baNd behad umdaa raha...
gazab ka khayaal bayaaN kiya hai aapne..

Humari hazaaroN daad O mubbarakbad kabul kijiye..

Likhate rhaiye.. aate rahiye..
Shaad O aabaad rhaiye..
Khuda Hafez..


	Logged

shara63

Guest

Re: Taqdeer badal sakti hai !

«Reply #8 on: December 13, 2012, 04:50:27 AM »

Parwaaz sb, Daad-o-mubaarakbaad ke liye aapka behad shukria!


	Logged

F.H.SIDDIQUI

Guest

Re: Taqdeer badal sakti hai !

«Reply #9 on: December 13, 2012, 01:09:52 PM »

Bahut khubsurat nazm hai . Bahut khubsurat taareekh aur bahut khubsurat message hai . Nazm , main samajhta hoon , shairy ki eik mushkil sinf hai jis mein theme ki yaksooi aur bayaan mein tasalsul zaroori hota hai .Is kaam ko bakhoobi anjaam dene ke liye aapko sidq e dil se mubarakbaad pesh hai . Khush rahye.


	Logged

~Hriday~

Poetic Patrol
Mashhur Shayar

Rau: 115

Offline

Gender: Male

Waqt Bitaya:
101 days, 3 hours and 51 minutes.

kalam k chalne ko zamaana paagalpan samajhta hai.

Posts: 16243
Member Since: Feb 2010

Re: Taqdeer badal sakti hai !

«Reply #10 on: December 14, 2012, 04:25:56 AM »

bahut sundar, bahut bahut khoob Ainy ji....!!!


	Logged

shara63

Guest

Re: Taqdeer badal sakti hai !

«Reply #11 on: December 14, 2012, 04:34:43 AM »

Siddiqui sb, Mann iftekhaar daaram !.....Waqai ye meri khushnaseebi hai jo aap jaisi qaabil-o-Azeem shakhsiyat ne meri nazm ko na sirf padha balke isko ek achchha kalaam bhi tasleem kar ise pasand kiya...main aapki behad shukraguzaar hoon jo aapne mujhe itni izzat bakhshi aur meri hausla afzaai ki..meri darkhwast hai meri rahnumaai ko isi tarah hamesha aate rahiyega... bahut bahut shukria,
Khudaa aapko hamesha achchha rakhe !


	Logged

shara63

Guest

Re: Taqdeer badal sakti hai !

«Reply #12 on: December 14, 2012, 04:41:52 AM »

Hriday ji, aapke hriday ke udgaar mere manobal ko dugna kar dete haiN...bass yuNhi aate rahiye aur mujhe ek qadam aur aage badhne ka hausla dete rahiyega..aapkaa bahut bahut shukria!


	Logged

Pages: [1]

Yoindia ShayariAdab > Shayri ( Poetry ) or Shayari > Shairi - E - Zindagi > Topic: Taqdeer badal sakti hai !