Uljhan:Shairi - E

thycreator

Guest

Ek aur koshish, ummeed hai apko pasand aayegi.....

Gulistan-e-jeewan jane kyu, kaaton ko chunte jati hai,
Uljhan jitni bhi suljhao, utni hi uljhe jati hai…

Dhaage kuch aise bune gaye, jo sulajh nahi paye ab tak,
Kuch rang hai aise bhare gaye, jo theher nahi paye ab tak.
Koshish toh har pal sacchi hai, naakami lekin hath aati hai,
Uljhan jitni bhi suljhao, utni hi uljhe jati hai…

Har rishta saccha lagta hai, har aakhon mein sacchai hai,
Phir bhi har kadam pe dhoka hai, nafrat hi humne payi hai.
Aagaz toh pak kiya kar le, anjaam ki chinta khati hai,
Uljhan jitni bhi suljhao, utni hi uljhe jati hai…

Na chah kabhi thi galat kare, na ilm ki galti kab kyu ho,
Na samajh ki chuk kahan hoti, na pata hua kyu hua hai jo.
Hum toh seedhe hi chalte hain, par rahen mudti jati hain,
Uljhan jitni bhi suljhao, utni hi uljhe jati hai…

Aye khuda tu kar insaaf mera, tu hi ab mujhko rah dikha,
Iss tedhi dunia ke raste par, seedha chalna ab mujhe sikha.
Tere iss dunia mein toh khud, teri hansi udai jati hai,
Uljhan jitni bhi suljhao, utni hi uljhe jati hai…


	Logged

Similar Poetry and Posts (Note: Find replies to above post after the related posts and poetry)
	? by majid in Shayri for Khumar -e- Ishq
	ULJHAN..(K_A) by khamosh_aawaaz in Miscellaneous Shayri « 1 2 3 All »
	zingi ki uljhan by dalbir_ss_sandhu in Shayari -e- Husn
	ULJHAN by pritam tripathi in Shayri-E-Dard
	Uljhan..!! by Áɑѕӈίգ in Ghazals « 1 2 All »

Rajbir

Guest

Re: Uljhan

«Reply #1 on: October 09, 2007, 06:14:59 AM »

Amit,

Bahut umda koshish tumhari har baar ki tarah =D>

Quote from: "thycreator"

Uljhan jitni bhi suljhao, utni hi uljhe jati hai…

Keep going :arrow:


	Logged

Ricky

Yoindian Shayar

Rau: 8

Offline

Gender: Male

Waqt Bitaya:
4 days, 3 hours and 56 minutes.

Posts: 2455
Member Since: Dec 2003

Uljhan

«Reply #2 on: October 09, 2007, 04:22:34 PM »

Nice one thycreator, well balanced and expressive. Speaking truth of life.


	Logged

thycreator

Guest

Uljhan

«Reply #3 on: October 09, 2007, 05:11:52 PM »

Thanks a lot Rajbir ji and Ricky ji...........bahut dino se yoindia ko miss kar raha tha.....used long weekend for good i guess..... Usual Smile


	Logged

thycreator

Guest

Uljhan

«Reply #4 on: October 09, 2007, 07:58:46 PM »

Sabhi poochte hai mujhse jindagi kya hai,
Main poochta hu khuda ki bandagi kya hai,
Jisse dekha nahi uss se hai itna pyar phir bhi,
Jinda insaano se ye sabki dushmani kya hai..

Apne liye jiya karte hain jaanwar bhi yahan,
Khud se bhala ye teri dosti kya hai..

Jo ek aansoo na pooch paye kissi ke ab tak,
Aise jeene ki bhala tujhko aarzoo kya hai..

Gar insaniyat ka labz jan hi na saka tu,
Gaahe-ba-gaahe muskurane ki hasrat kya hai..

Jo jeena ka salika hi na aaya tujhe yahan,
Jindagi se bhala ye teri ulfat kya hai..

Har bat pe pooche hai jindagi kya hai..
Main poochta hu KHUD ki bandagi kya hai..


	Logged

Pooja

Guest

Uljhan

«Reply #5 on: October 09, 2007, 09:49:35 PM »

WAH KAYA BAAT HAI.. BAHOOT KHOOB AMIT.. DONO HI POEMS BAHOOT ACHI LIKHI HAI APNE...

Jalad hi jawab likhne ki koshish karugi... waiting for more from you...

Good work!!!


	Logged

thycreator

Guest

Uljhan

«Reply #6 on: October 09, 2007, 11:07:49 PM »

Hume intezaar rahega apke jawab ka......... Usual Smile


	Logged

Talat

Guest

Uljhan

«Reply #7 on: October 10, 2007, 12:21:45 PM »

Bohot khoob Amit...dono hi poems lajawab hain...bohot din baad parha....bohot accha laga...

ek comment:

Agar Gulistan-e-jeewan ke bajaye Gulistan-e-zindagi hota to behtar lagta


	Logged

thycreator

Guest

Uljhan

«Reply #8 on: October 10, 2007, 04:01:14 PM »

Quote from: "Talat"

Bohot khoob Amit...dono hi poems lajawab hain...bohot din baad parha....bohot accha laga...

ek comment:

Agar Gulistan-e-jeewan ke bajaye Gulistan-e-zindagi hota to behtar lagta

Thanks a lot talat.....thanks for your comment too...maine zindagi ki jagah jeewan issliye likha kyuki zindagi ka pronunciation abruptly end ho jata hai where as my line was continued.....anyways....thanks again.. Usual Smile


	Logged

thycreator

Guest

Uljhan

«Reply #9 on: October 10, 2007, 05:59:40 PM »

Wada karke mukar jaane ka chalan accha hai,
Tadapte dil ko tadpane ka chalan accha hai..

Kitne saste hai aaj dil iss bazzar-e-ishq mein,
Ek ko tod duja apnane ka chalan accha hai..

Kabhi sochta hu kyu kar bhala chahun kissi ko,
Bina chahe hi zindagi bitane ka chalan accha hai..

Nahi ulfat hai kissi se, naa hi nafrat hai kissi se,
Nayi deewangi mein deewane ka chalan accha hai..

Kare shikayat koi gar toh bhale hi kiya kare,
Iss sauda-e-muhabbat pe muskurane ka chalan accha hai..


	Logged

Pooja

Guest

Uljhan

«Reply #10 on: October 10, 2007, 08:35:29 PM »

hummmm kuch baat nahi bani,.... magar phir bhi post kar rahi hu...

dobara kuch likhne phir atti hu...

Uljhan suljhao jitani, utani hi bardti jaati hai
Chahu kuch sakoon, magar kismat kab hath atti hai

Chaha khud ko bahoot samjhana jeevan main
Per jab tak na lage thokar, kaha akal atti hai

Man mai bunte rahte hai taane baane her pal
Kismat ke agge kaha koi baat thaher paati hai

Her ek ki zindagi dekhte hue , khud ko samjhate hai
Pancho unglia magar kaha barabar rah paati hai

Uljhan suljhao jitani, utani hi bardti jaati hai
Chahu kuch sakoon, magar kismat kab hath atti hai


	Logged

thycreator

Guest

Uljhan

«Reply #11 on: October 11, 2007, 04:36:27 PM »

Wah wah pooja..............sahi hai..... Usual Smile

Nahi hai dushmani koi, phir bhi ye gila kyu hai,
Dost ki talaash hai magar dushman mila kyu hai..

Hamari galatiyan kuch bhi nahi phir bhi mere rab,
Meri acchaiyon ka mujhko aisa phir sila kyu hai...

Sach ki raah toh hardam se hi mushkil hi rahi hai,
Jhooth ko saath itna dunia mein mila kyu hai...


	Logged

Pooja

Guest

Uljhan

«Reply #12 on: October 11, 2007, 05:32:46 PM »

nice ...

Dushman ki najar se dekhte kyun ho
Mila hai jo usko, dost samjhte kyun nahi ho

Nahi hai koi galati, to khud ko bandhte kyun ho
Karte ho jab sab acha, to behkate kyun ho

Such ki raah hai mushkil, kam suche dost jahan main
Yah jante hue sab, aise sawal uthate kyun ho


	Logged

Pooja

Guest

Uljhan

«Reply #13 on: October 11, 2007, 05:40:16 PM »

Quote from: "thycreator"

Bahoot hi sahi kaha hai Amit!!

Zindagi, na tanha chale na hi sung kisi ke
Kitne ulajh gaye hain insaan duniya ke

Dil milta hai, kismat nahi mil paati
Kyun jeevan ki yah uljhan nahi sulajh paati

Milti hai takdeer, dil wahan milta nahi
Khushi ka ek pal bhi phir dikhta nahi

Bina chahe kisi ko to koi zindagi nahi
Khawab-o- khayal bina koi bandagi nahi

Her chees hai jahan bikau,
wahan suchi muhobat ka ajj koi mole nahi
u to bikati hai badi sasti muhobat her taraf
magar uska suchai se koi tole nahi!!!!


	Logged

thycreator

Guest

Uljhan

«Reply #14 on: October 11, 2007, 07:16:11 PM »

Thanks pooja and good one from you too...

Aye zindagi bata kaise teri khidmat karein,
Kya karein ki lage hum teri izzat karein..

Bade naazon se sambhala hai tujhko sabne,
Har ek shaqs hi toh tujhse yahan ulfat karein..

Phir bhi lagta hai kami hai kahin koshish mein,
Ab tu hi bata kaise tera ijaafa-e-saabahat karein..

Itna pyar hai sabko hi tujhse dunia mein,
Kaise mane ki koi teri bhi ghaflat karein..

Ab toh armaan hai ki teri hi ibaadat karein,
Jab karein to tujhe imaan se hi ruksat karein..


	Logged

Pages: [1] 2 3 4 5

Yoindia ShayariAdab > Shayri ( Poetry ) or Shayari > Shairi - E - Zindagi > Topic: Uljhan