zarraa : ek tu hi sitamzada bhi naheeN

ek tu hi sitamzada* bhi naheeN
zindagi itni bewafa bhi naheeN
* oppressed

kuchh ziyada tujhe tawaqqo* bhi
kuchh munaasib tujhe mila bhi naheeN
*expectation

jaan har haal meiN piyaari hai
chaaheiN jeene ka hausla bhi naheeN

apni majbooriyoN ki sharm bhi hai
uzr* meiN koyee falsafa** bhi naheeN
* excuse  ** philosophy

rehnuma* saath mat safar meiN aa
is ka r’sta abhi bana bhi naheeN
* guide

fark achchhe bure ka mushkil hai
khair koyee ye poochhta bhi naheeN

mayqade meiN haiN ghus gaye naaseh*
ab to rindoN** ki koyee ja*** bhi naheeN
* preachers   **drunkards/liberals  *** place

sar n shaane* pe rakh sake us ke
bojh kaaNdhe se phir gaya bhi naheeN
* shoulder

ye to ruswaai ban gayee mukhbir*
raaz duniya ka hota wa** bhi naheeN
* informer  **open

ab bulaaya hai bazm meiN “zarraa”
jab ke pindaar-e-fan* raha bhi naheeN
* pride of craft

- zarraa